الفوهرر

🪦الفوهرر🪦 22

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

#التتمة

رافا:17
<لا سيدي هوما سناو ولكن الشروط راه...>
نيك حاول يتدارك لموقف قبل ما رافا يفقد اعصابو وفعلا يقتلو وهوما باقين محتاجينو...

<شوف مدام سناو حياتهم ملك لينا حتى من لجتة ديالهم ملك لينا كون كان عندهم خيار أخر ماغاديش يجيو لهاد لأكادمية فهمتي؟؟ ... من غير هادشي إلا مشاو حتى تخرجو من لأكادمية غادي يكونو أغنياء .... شكون فحالهم دخلو ليها فقراء ولعالم محتاقرهم وغايخرجو منها أغنياء، وغادي يحفرو اسمائهم وسط المجتمع!! ...ولا غايخرجو منها جثة هامدة... win win situation >
<ولكن لبوليس...>
<بوليس ماعندهم مايديرو واخة يتعلن على إختفاء ديالهم ماكيهمش... ويط دوك وراق سناو رسالة انتحارية يعني وقتما وصل أجلهم (دار اشارة بيدو) بح >

عم سكون وقررت نفهمو بطريقة أخرى:

لعبيد  كيكلفو بزاف خاصك تأكد من بقائهم على قيد لحياة خاصك تأكد بلي ماغايخلقوش لك مشاكل حنا في استغناء عنها... فهاد لحالة كنهضر على لعام لي فات وأش وقع مع لبوليس فمشكل لبنت لعربية ودري لي باقي مالقيناهش.
لحل هو أنك تقلب على لي فموقف لايحسدو عليه أسفل سافلين حاصرهم خليهم ماعندهم حتى خيار أخر ...
وديك ساعة عاونهم خليهم ممتنين ليك لأي طرف ديال خبز تلوحو ليهم...فهاد لحالة هاد لأكادمية هي منفدهم لوحيد هي لجنة لجحيم ديالهم (هي داك طرف ديال خبز)
من بعد خليهم هوما لي غايقاتلو ناس أخرى فطريقهم فهااد لحالة بعضياتهم خليهم يتقاتلو فالقاع (ولي بقى حي هو لي غايتخرج من لأكادمية)...
ديك ساعة غاتنخافض أثمنتهم واسعارهم وغانبقاو حنا لفوق فالقمة وغير كرمنا وجودنا لي غايتفكرو !!! مكافئتهم هي البقاء على قيد الحياة وفنفس لوقت يستمتعو بحياة احسن من لي كانو فيها...