الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:86

بقات واقفة فبلاصتها وفية للوعد لي خداتو باش ماتبكيش عل الاقل قدام أي شخص، رجعات عينيها لسميرة لي مراقباها كأنها كتسناها تنكسر وتكون بنفسية مهزومة...
بركات سميرة فكرسي كبير بحال العرش قربات ليها أيسِل وكدير استنتاجات غير راسها....
شخصية سميرة كتبان بحال منفصلة عن الواقع:
اول حاجة ساكنة فلاكاب مخبية ماعرفاتش مناش ولكن عندها شكوكها... فمكان بحال هادا مأثتاه وكانها عايشة الثراء الفاحش...
تاني حاجة اهتمامها بحالتها ووجهها غاتكون مغرورة ومن نوع لي ماعمرو يعتارف بلي كبرات فلاج
تالت خاجة علاقتها بريفر غير عادية لمساتها ليه قريب تكون حميمية وخاصة... رغم فارق سن لي على الاقل حوالي 15 سنة ولا كتر...
رابع حاجة هاد الكرسي لي فعلا بحال العرش كبير ومنحوث ومحطوط وسط صال امونجي، ومن لي بركات فوقو حطات يديها فجنابو كأنها ملكة...

هادشي ماكيدلش على شخص عادي، متاكدة عندها مشاكل نفسية واضطرابات غريبة ولكن لي متأكدة منو هو دكائها وعلاقاتها مع شي حد برا... مايمكنش أي واحد يدخل للأكادمية هاكاك وتاحد مايلاحض ولا يحس ...شافت فسميرة وسولاتها بحدر:

<شكون جاسوسك داخل لأكادمية؟؟>
رجعات راسها لور وطلقات ضحكات أنثوية مبالغ فيها وكتحرك يديها كانها كتبرد على راسها:

<ههههههههههههه هادا هو سؤال لي باغة تعرفي جوابو؟؟ بعد كل لألغاز لي فحياتك هامك غير لجاسوس؟؟ ههههههه>
<أنا عارفة ماغاتجوبيني على تاحاجة إلى لعندك رباح فيها>
<مممممم يعني ماشي غير جمالك لي عندك دكية شوية ههه هههمممم ماعرت علاش هاد لمعلومة ماقالتهاش ليا مريم رسماتك على أن داك الدماغ عندك خاوي>
<سميرة فين كنتي هاد سنين كاملة؟؟>
<كنت محبوسة>
وسعات عينيها: <فلحبس؟؟>
<silly girl jell is a paradise compare to where I was
ههههه فتاة سادجة!! لبلاصة لي كنت فيها الحبس قدامها جنة>
<فين كنتي بليز عل اقل قولي ليا حاجة وحدة حقيقية وبلا كدوب >
<اوكي one secret for a secret(سر بسر)>
<اوكي نقول انا لولة سر ولا تقولي نتي؟!>
<بلاتي بعدا سر لي بغيت نعرف انا محدد... شكون قتل السياسي الروسي واشنو لمشكل لي وقع حتى رجع رافا وصحابو صفاوها لنص فرجالو؟؟>
أيسِل حاولات ماتبينش تفاجئها من معلوماتها وهادشي ياله وقع غير لبارح:
<قلتي زوج اسئلة إنا واحد فيهم بغيتي جوابو؟؟>
<Clever girl
فتاة دكية ههههههه خليت ليك لإختيار>
ماتردداتش فجوابها: <انا لي قتلتو>
بانت لمفاجئة على وجه سميرة حسات أيسِل  بلفرح انها باقي عندها اسرار ماعارفينهمش عليها...
<اوكي نوبتك اشنو باغة تعرفي وعزلي سؤالك مزياااان>
<شكون كان حابسك هاد سنين كاملة؟؟>
<أنوير لاروكا>
جواب سريع وبدون تردد ولاحضات معاه عينين سميرة لي ولاو كلهم حقد من لي نطقات بإسمو... كل ماكتصحاب راسها قربات باش تحل اللغز كيزيد يبانو ليه جدور أكتر وأكثر...