الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:58

صرخات بجهد لحد مالموسيقى حبسات شافت فأرجاء لمكان لكل مقابلها توترات من أنظارهم ولكن أعصابها وصلو للزبى وفاض الكيل بيها:
<خنقتوتي فهاد لقنت كلكم كلكم >
توجهات للبار نقزات كونطوار وكسوتها شدات فكرسي تسمع تمزيق لقماش فأنحاء المكان، جرات طرف لكسوة لي تقطع بيديها حتى تقطع اكتر... بارتندر (عامل البار) تأهب من فعلتها ولكن بإشارة من نيك رجع بلور... ايسل باقة بعصبيتها عيات من لأيام لقليلة لي عاشتهم ومصيرها فهاد لأكادمية غامض... عيات من كلام التلاتي المستفز ليها... تحكم رافا فكلشي وعاد شخصيات جديدة لي كتبان فحياتها كل نهار...كتهضر مع راسها صدرها ضرها حسات بلخنقة وسط هاد لعالم لغريب...
<خاصني نبرد  خاصني نرتاح >
ضارت وراها كان شرجم كبير مفتوح جزئيا حلاتو على آخرو، هزات كسوتها بين يديها وتعلقات فشرجم..و فلحظة طيش تلاحت للمحيط...

خرجات لسطح لماء وانتعاش فوري حسات بيه اعصابها تكالماو وتنفسها تقاد تبسمات للحضة ولكن غير شافت نيك غايتلاح تاهو تعصبات...
عامت كتبعد شوية من ليخت، لبادرة لي بداتها لاقت إعجاب من الطلاب وصدق تابعها اغلبية طلاب للبحر...
ظلام الليل والنجوم تضيء سماءهم... مجموعة من الطلاب كيلعبو بالماء، مجموعة أخرى عايشين لحميمية وسط لماء لدرجة مايمكنش لك تراقبهم من لأفعال لغير أخلاقية لي كاتجسد قدامهم... أخلاق ههه من بين مصطلحات كتيرة لاتوجد في أي معجم متعلق بحياتهم...
وصل حداها نيك عطاتو بالظهر وطلقات لعنان لموهبتها وهوايتها لمفضلة، وتاهو بدورو تبعها بموازاة كل مرة واحد فيهم سابق لآخر، وقتما كتبدل اتجاهها كيتبعها ... هتافات وراهم كتشجيعات وسط كلام كريس لمريض... كيصرخ بأعلى صوتو...

<ايسل ماتموتيش غارقة there is no fun in that
لاتوجد المتعة في ذلك>

بعدو بزاف على ضجيج التشجيعات تاواحد فيهم ماناوي يتوقف ولا يستسلم، حتى أُزعج هدوء المياه من طرف يخت صغير لي خرج من ليخت لكبير المخصص للحفلة، وقف ركب فيه كريس...وبسرعة فائقة غادي فاتجاه الثنائي لي وقف من لعومان...
نيك لاحظ نضرات ايسل ليه شاف فيها وبكل أسف قال:
<كنتمنى ليوم مايكونش آخر يوم>
<عكسك تماما! انا كنتمناه يكون آخر يوم >
<تقدر تلبى لك الأمنية >

وقف اليخت بعيد شوية عليهم، نيك بدا بسباحة لجيهتو اما أيسِل ماتحركاتش من بلاصتها عينيها واسعين كترقب اشنو واقع بقا ليخت واقف فمكانو وتسمع صوت رافا وسط الليل المدوي...بكل غضب و بكل سلطة:

<تحركي طلعي ليخت ماتخلينيش نهبط عندك>
عيون لي خوفوها هوما عينين كريس لي كيشوف فيها بحزن عليها .. تفكيره مريض غريب مرا حنون مرة غير إنساني البثة... تحركات لعند ليخت وقبل ماطلع يديه بزوج حكمو دراعها من كل جهة وطلعها لعندو بالجهد..
عينيه كيتكلمو كتر من لسانو تهديد وغضب كيشع منهم بقا كيشوف فيها مطولا، صدرها كيطلع و يهبط من لعياء للمزوج بالهلع...

<كتحدايني؟! قلت لك بقاي فلحفل؟ درتي لعكس..قلت لك نزلي رجعي للحفل ..نقزتي للبحر... خاصك تعلمي واقلة كلمة شكون لي كتمشي انا ولا نتي..>

بس: كنشكر لبنات لي سولو فيا بريفي وتفهمو لوضع... بسباب لمرض وعينيا لي كيضروني ماكنهزش تيلي بزاااف حاولت نعوضكم على غبور بهاد لاجزاء خليو ليا ارائكم الفنات💋