الفوهرر

🪦الفوهرر🪦 .28

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسل:23

بعض المرات السكوت اقوى من الكلام وفهاد اللحضات صمت لي عم لمكان كيخلع كلشي كينتضر اشنو يوقع.
بعض لأحيان صمت كيكون بحال نسيم الصيف لبارد كيهدئ روح وبرد الجسم بعد يوم حار، الآن عكس هاد لحالة كل ما طوال وقت الصمت كل ماتغلغل الخوف وستحود على قلبها أكتر...
<ممكن تبعد شوية؟! زعمة هاد التصرف غايخليني نتخلع منك>
<باقي ماشتيش تصرفات لي يقدرو يخلعوك>
صافي اعصابها سيطرو عليها وقررات لإنسحاب ضارت وراها وتمشات راجعة لبيتها، مابقاتش غادي تاكل كاااع حتى تشوف واحد شيبس كان عندها فصاك عادي مولفة شي يامات كانت كدوزهم مالاقيا ماتاكل...بلا مايتحرك شاف فكريس لي بتاسم بخبث وتحرك بخطوات سريعة وصل عندها هزها من ركابيها فاجئها طلقات صرخة غير متوقعة...
<  ايه نتا نزلني وابنادم حطني لأرض.. واش تسطيتو؟؟>
جابها حتى لقدامو حطها ووقف موراها شاد ليها كتافها بجهد وهمس حدا ودنها:
<بليييز ستفزيه اكتر نشووف هههههه نيت لملل ليوم ماكرهتش شوية لجديد>
كلامو زاد وترها عينيها طاحو على نيك لي مبتاسم بسخرية، هزات حاجبها بتعالي:
<شي قهيوة ونتا كتفرج>
رافا تحرك وقف قدام فين كيشوفو عينيها قاطع كلامها لي موجه لنيك:
<حتى نسالي معاك عاد تقدري تهضري مع شي حد>
<هههههههههههههه مريض هادا واقلة؟؟ واش سايكو لأخ؟؟ مانهضرش تاتسالي هههههه واخة شيف >
رافا بعصبية <تدخلتي فحاجة ماكتعنيكش داخلة سخونة؟؟ واقلة خاصك تبردي شوية ؟>
نيك تحرك لعندو وقال: <بيسين ولا بحر؟؟>
<البحر ولكن من لاطيراس عندي بلا ماتعدب تخرجوها حتى لبرا ماتستاهلش وقتنا بزاف>
نيك هنا خرج عينيه: <ولكن بعيد شوية من لاطيراس...>
رافا كان غادي رجع ضار وشاف فنيك باستغراب وحتى كريس كيشوف فنيك لي عمرو سول ولا عتارض هاد لمرة قال شي حاجة...
قبل مايجاوبو رافا زاد على لجملة: <ماكنضنش بغيتيها تموت حيت شرفة بعيدة شوية>
<إلا كتعرف تعوم غاتبقى حية... كريس ضور بليخت ديالك جيبها>
ايسل شادها كريس حيت بدات كتنتر مننو:
<أش كتخربقو نتوما واش تسطيتو اش هاد تبرهيش ... (شافت جيهت الطلاب كيتفرجو فيها) بليز شي حد يعاوني ولا عيطو للعميد ولا أي مسؤول ؟!!!>

بنت وحدة لي جات كتجري حتى لقدامها وقفها هول لمنضر شافت فدراري بتلاتة ورجعو عينيها لأيسل:
فيكيvicky : <ياك قلت بقاي بعيدة على أنجليس التلاتة!!! فااااك >
أيسِل غوتات وعينيها محلولين على أخرهم:< فيكي هو واش بعقلهم غايرميوني من بالكو>
فيكي ضارت عند رافا وعينيها محدورين كتشوف فلأرض:
<احم مستر لاروكا ممكن تسمح ليها هاد لمرة مكانتش عارفة كنت غانقوليها كلشي باش تعرف شكون تحتارم>
رافا بلا مايشوف فيها:<ديو معاكم هادي باش دخل سوق راسها حتى هي .... تاحد ماقالك علميها تاق***>
قال كلامو وخلا نيك توجه عند فيكي لي بكل بساطة قالت ليه: <بلا ماتهزني انمشي على رجليا منين غانقزو؟؟>
أيسِل:< اويلي اش هاد لق***** طلقوني ياولاد ل*** الله ينعل ***** بوكم واحد واحد ....>
فيكتوريا عينيها خارجين: <سكتي الموصيبة سكتي غاتغرقينا كتر بليييز سكتي دابة تانخرجو من هاد لموصيبة، كتعرفي تعومي ياك؟؟ مهم من احسن تنقزي بوحدك باش ماطيحيش عوجة وتوعتي، وإلا لاحك حاولي تحركي جسمك وطيحي على رجليك ولا سوطي حيت غادي توعتي لاطحتي...> فيكي بقات داوية حتى صدعات دراري تاهوما...