الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:56

وسط كم هائل من التصفيقات والهتافات و الصراخ شقو طريقهم ببطء، أيسِل كتحس بيديها عرقو بتوتر لما لا وهي محط الأنظار ، كتردد في مسامعها همسات حول فستانها وتفاصيله... ابتسامات على وجوه الغرباء معدية كتحس براسك باغي تبتاسم  بلا  سبب...الحماس والإثارة ملموسة في الهواء كالطاقة !!

سرعان مالخوف تحول لحماس...شي حاجة سحرية كونك واحد من الحشد، كيخفف شعور الوحدة الداخلي لي عمرو فارق حياتنا ... كلشي مبتهجين كلنا ضاحكين وكنرقصو على إقاعات الموسيقية، تقريبا نفس لأحاسيس كتختالجنا... مهما كانت خصالك... ملامحك وسط بارتي كترقص بنشاط فحال شخص لي مقابل معاك، إنعكاس لإنسانية على ملامحكم... لحظات تاريخية... كلنا واحد بشعور واحد ورغبات واحدة لأول مرة كتحس بنوع من لحرية لي عمرها حساتها فحياتها اليومية... حرية لمشاعر ولأحاسيس، مطلوق ليهم لعنان بارزين على وجهك كأنك لايهمك الغد ومايحمله من ألغاز...

هادي مدة باش خلاها فساحة الرقص كتحس بلألام فرجليها من كترة شطيح، رتاحت نوعا ما من لي مشا وخلاها، عرفات بلا كانت غير خطة انه يدخل بفتاة جديدة وفنفس لوقت كيبعث بيها رسالة لأي شخص تاني ...
هادا استنتاج من بعد ما جميع طلاب تجاهلوها فحال ماكيناش ...وأي دري جا معطل وأبدى اي اهتمام بيها كيتم لهمس فودنيه ويغير وجهتو...
حتى من دراشتي ماوصلاتش ليها من غير نظرات لكره ولبغض لي وصلوها عن بعد، حاولات تبقا بعيدة عليها هي وكراكيز ديالها...
توجهت للبار تحاول تشوف واش كاين مشروبات غير كحولية ولكن لسوء لحظ كريس كان واقف فطريقها...
لوقت كامل وهي كتحس باحساس غريب وراء عنقها، قشعريرة إنذار أنها مراقبة ولكن بعض لمرات شعور كان كيكون مبدل وممزوج مع الخوف...
قررات تبدل طريق من لي وقف قدامها كريس عيونها كيقلبو عل فيكتوريا ولكن احساسها كيقول بلي بقات مع امين...
فالطريق الأخرى لي ختارت لقات نوح وصحابو ربعة فوجهها، شافو جيهتها ولحقد لي فعينيهم برز أكتر، رجعات بدلات طريق حتى دخلات فصدر جسم آخر...
<فاك كنعتادر ماشفتكش>
هزات راسها لقات نيك قدامها عيونو باين عليهم لقلق لي موجه ليها:
<علاش هو؟؟>
<أشنو؟؟>
<علاش ختاريتيه هو؟؟ عارفاه وحاسة بالشر لي فيه ...علاش هو؟؟>
<واو كتهضر معقول؟؟ اوكي تانا نجاوبك معقول ... فين بان لك الإختيار؟؟ من لي لاحني من بالكو؟؟ ولا من لي سنيت على دوك لوراق لي واقلة سنيت على موتي؟؟... ولا واقلة من لي كنت غانتغتاصب لي انا شاكة هوما لي سيفطهم أصلا حيت لفوووهر ماكيعطيش فرصة تانية هههههههه لفوووهرر صديقك لمقرب ونتا يدو ليمنى وجاي تحاسب معايا؟؟ باشمن حق؟؟>
<من لي عارفة هادشي كلو علاش باقة هنا>
<ونتا علاش عشتي حياتك قريب ليه؟؟ حيت كتفاهمو؟؟ ولا تانتا كتموت على لقتيلة؟؟>
كريس وقف موراهم ودخل ديريكت فلموضوع:
<صراحة نيك عزيز عليه غير تعذيب قلييييل فاش كيقتل>
<نتوما مراض وغاتمرضوني معاكم جيت نحتافل وننشط ماشي نتعصب ونمرض...>