الفوهرر

🪦الفوهرر🪦 19

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسل: 16

تحطات طيارة اخيرا بعد خمسطاشر ساعة ديال طريق هادشي من غير توقف لي كان ضروري منو، وعاد لعداب ديال مطارات ولكن كلشي يهون من لي كتشوف داك ديكور، فعلا مكان خلااااب....
واخة فصل شتاء على باقي لعالم هنا لجو رائع ودافئ للحضة نسيت أنني مجبرة نكون هنا، نسيت أنني فمكان غريب عليا وماعارفة عليه والو، توتر لي فيا فات لحدود للدرجة يديا كل مرة كيسردو بالعرق... قالو ليا غايسيفطو شي حد يوصلني دكشي علاش قررت نقاد حالتي ونعاود ميكاب خفيف أصلا ماعنديش بزاف غير ماسكارا، بلاش (فغاجو)، وعكر شعري مخربق ولونو لأحمر بان كتر من لي ضربات فيه أشعة شمس... مع دلك كنبان بحال شي متشردة وسط هاد لعالم لمعروف بالسياحة والرفاهية...
سرعان ماجات عيني على بنت جميلة بزاااف بحال عارضات لأزياء لباسها شبه عاري وكعبها لعالي زاد من أناقتها، مرافقها دري غريب كلو وشام يقدر يكون سائق ديالها؟؟ لالا مانضنش شكلو باقي صغير وملابسو مرتبة ونقية وبوكوص صراحة زينو غير عادي بحال سبانيولي، هاز فيدو لافتة مكتوب عليها أيسِل فقط من غير لقب العائلي..
قربت ليهم وكل خطوة كتخليني نحس بالنقص وانا لابسة غير كولون وقبية طويلة خفيفة...
رغم قربي ليهم بزوجهم ماشافوش فيا ولو لثانية وقفت قدامهم ونطقت بكل شجاعة وتحسبا مايكونوش كيعرفو إنجليزية تكلمت بالإسبانية:
¡Disculpe! Soy Aysel
عذرا!!! انا أيسِل!
لبنت هزات راسها من تيلي ديالها وحلات فمها على آخرو نضراتها لأيسل مشبعة احتقار وبالطبيعة لحال وفقا لأوامر رافا تكلمات بالدارجة...

<نتي لبنت جديدة؟؟ ....... لاااااا ماتقولش ليا نزلنا نيفو تال هاد الدرجة؟؟  wtf>
أيسِل بعد اهتمام شافت فلبنت من رجليها حتى لراسها وبصبعها نعتات فيها:
<على أساس هادا هو نيفو الطالع؟؟>
تسمعو قهقهات من حداها دورات راسها كتشوف فدري طول منها عضلات مفتولة وكلو وشامات....

<ههههههههه دراشتي عطاتك اساطة تانتي شبعانة غير سيليكون كون غير وسكتي ... اسمي كريس تقدري تعيطي ليا بيبي، نصيحة لك أيسِل لابقيتي هاكة لي جا قدامك تعطيه جوابو موحال يدوز علك اسبوع معانا حية>

إلا تعلمت شي حاجة من حياتي لدابة عمرك ماتوري لخوف ديالك لشي حد <شكون قالك لموت كيخوف يقدر يكون مخرج من هاد لحياة>

دراشتي اصلها مزيج هندي مكسيكي بكل نرفزة شافت في أيْسِل:
<فين باليزتك؟؟ خاصنا نتحركو خلاص، اصلا تعطلتي على لموعد لي قالو لي..و انا عندي مايدار ماشي مسالية راسي نكون بيبي سيتر (مربية أطفال)>
بلا مبالات جوباتها ونعتات ليها فصاك لي على كتفها: <هادا هو باكاج ديالي>
<اويلي هادي واش جاية من لخرية>
أيسِل نخلاتها وضارت شافت فكريس: <هاد لمونيكة كتطفى؟>
كريس بابتسامة مريضة: <عجبتيني نتي قولي ليا اشمن نوع رياضة عزيز علك>
استغربات من سؤال مفاجئ ومع دلك جوباتو:< سباحة وبوكس ...ممكن نسولك؟؟>
كريس جرها عندو وعنقها من كتفها وزادو مخلين دراشتي معصبة وراهم: <انا كندير بوكس غاتولي تجي تريني معايا عمرني خليت ضاربو شي مغربية..... سولي سولي تقدري ماتلقايش فرصة أخرى تسوليني>
معرفاتش علاش كيهضر هاكة بواحد تقة فالنفس وفلول جبد لموت دابة كيقوليا غايخلي عشتي اش هاد تخربيق...
<احم كيفاش كدويو بالدارجة>
كريس بطبيعة لحال مغايعطيهاش اجوبة صحيحة مية فلمية <عادي كنعرفو بزاف اللغات هنا>
<دراشتي نقزات فلهضرة: انا مكنحملش نهضر بيها كون مكانش أمر من ...>
ملي هزات عينيها فكريس لي وقف وخنزر فيها سكتات وجهها تعلاه الخوف وتوتر وبدوري تانا توترت من هاد لغموض..