الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:44

من ورا كريس نيك قرب ليه وقف وهز راسو فيا لأول مرة كنشوف مبتاسم بطبيعة لحال غايكون بتاسم لصاحبو أما أنا ماكنضنش..؛
#فلاش باك
بعد مانعسات فيكتوريا وهي كتفرج معايا ف game of thrones دخلت للحمام بدلت حوايجي وبحال كل ليلة هاد لأيام كنتسلت للمسبح لي عندهم فجناح اللياقة البدنية.
كما جرت العادة  مشيت لبيرو المدرب لي عندو سوارت جبدت فيليل من شعري، دحلتو فبلاصة ساروت وبقيت كنحاول حتى تحل لباب ودخلت هزيت ساروت ورجعت في اتجاه لابيسين....
ريحة لكلورين كتعطيني واحد نوع من الراحة النفسية، حيت عارفة بلي الما قريب وغانعوم ونسا همومي ومشاكلي... حيدت كسوتي لحتها مورايا وتلاحيت كيف ماوالفت هاد لأيام كنضرب swimming lapsدورات السباحة لخاصة ديالي...
سمعت سبلاش بمعنى شي حد تلاح فلابيسين معايا، بسرعة طلعت للسطح لماء... لقيتو فالضفة الأخرى  كيعوم، ماتحركتش من بلاصتي كنراقبو من بعيد وكنتسائل اش كيدير هنا...
نيك طلع للسطح لماء رجع شعرو سارد لور وبتاسم بكل جاذبية:
<كنت متأكد هوايتك سباحة ولكن مايسحابليش كتعرفي تحلي بيبان وتسرقي ههههههه إدن نتي فلمكان الصحيح اكادمية انجيليس تقدر تصنع منك شي حاجة..>
<احم اش كدير هنا؟؟ وكيفاش عرفتيني هنا>
<أيسل أيسل مزال خاصك تفهمي بزاااف لحوايج.... انجيليس التلاتة كيعرفو كلشي لي كيوقع فلأكادمية..>
<واو كتهضر على راسك بضمير لغائب هههههه عميييق مع راسك>
ملامحو ماتبدلوش: <نقصي من إثارة لإنتباه ليك... وهتمي بشؤونك ماتبقايش دخلي فلمشاكل لابغيتي تبقاي ....>
<تهديد هادا>
<عتابريه كيما بغيتي تعتابريه .... (سكت لمدة وهو مراقب قطرات لما لي منزلقةعبر جسمها بشكل مثير ) خليك فجيه ليمنى وانا ناخد ليسر...>
#نهاية لفلاش باك

تقدم نيك لعندي ونضراتو كأنه غاضب ومعصب، رافا وراه مركز فتحركاتو ويديه مربعين:
<أيسِل أيسِل ياله قلنا ندخلو سوق راسنا ومانتيروش لإنتباه>
<نتا لي قلتي أنا ماوافقت على والو>
قرب كتر وهمس لي حدا ودني: <ضربيها لصدرها كتخاف عليه يتفش>

رجعت لور وعينيا محلولين من كلامو، غمزني وبتاسم راجع عند رافا لي قوس عينيه من لي بتاسمت...
دراشتي بعصبية: <واش غانباتو هنا؟؟ ماكنحملش نتسنى>
<بيزاغ انا لي سمعت بلي بقيتي فهاد أكادمية ست سنين كتسناي لفوهرر يشوف فيك >

كلامها فاجئ ناس كتار تسمعت سلسلة من "اووووووه شييييت اووووووه "