الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيْسِل: 106

تيشورط فيه دم حيدتو هزيت ليسانص وشعلت لعافية فطوموبيلتهم ورجعت للدار، وقت خديت ليا ولأيسل لماكلة واستسلمت لهاد النهار لمشؤوم ...الإتفاق لي بيني وبين انوير انه مقابل أنه نحرس ليه للبنت غادي يحميني من اإخوة روميرو وليوم كيأكد ليا لغدر دياله...هزيت تيلي ضورت نمرة للداك لغبي ديال بوب ولكن ماكيجاوبش خاصه ضروري يعرف بخيانة انوير للإتفاق ديالنا...
                                ***********

بعد مدة بسيطة دخل للسكن دياله كيكره يقول عليه كلمة دار حيت بالنسبة ليه غير بلاصة فين كينعس اما آحساس الدار home بالنسبة ليه دار أو المنزل هو المكان فين كاينين الأحبة والناس لي كيعنيو ليه...
غير حط رجله للداخل حس بشي حاجة ماشي هي هايك رجع لور لفين كيكون صندوك تحكم بالكهرباء حلو وجبد فردي دياله وحداه لماسك دياله لبسو وتاجه ديريكت للقبو...
بخطوات تابتة وبلا حس وصل قدام لباب لقاه محلول خدم بيل ديال تيليفون مالقا والو حسها ماكينش ماسمعهاش، ورك على تيليفون لي فقبضته بجهد بلأعصاب مايمكنش تكون خرجات من هنا بوحدها، جا فباله لبوب وكيفاش كان باغي يضاجعها طلع يجري لفوق، قلب لحمام خاوي دخل للبيت لقا لبوب فلأرض موس مخشي ليه فكرشه وفوق سرير باركة أيسِل غير بتيشورط دياله باينة عليها مدوشة، نزل على ركابيه قلب عنق لبوب مالقاش نبض وقلب جسمه كان بارد ماكينش حس لحياة فيه يعني مدة باش مات ولكن هي ماحاولاتش تهرب ...هز عينيه فيها ياله غايسولها دوات...

بصوت مرهق: <كنتمنى ماتقولش ليا كان صاحبي وعزيز عليا>
<أش دار لك؟؟>
كضحك بمرض للدرجة شك فسلامة عقلها فهاد اللحضات: 
<ههههه بغا يدير لي كلشي كيبغي يديروه كاع رجال فييا>
<وقتلتيه؟؟>
<شي حد عطاه كتر باش يقتلني كان حاط داك لموس على عنقي وهو .. وهو كيحاول  ي**** ..>
<شششش صافي شششش>

قبل مايكمل كلامه تسمع لباب تفرع ودخلو رجال كيتسمع اصواتهم فكل مكان، ناض بزربة جر ايسل وراه وجبد سلاح أخر من تحت سريره عطاه ليها...
<كتعرفي تشوتي؟؟>
<اه كنعرف... شكون غايكون؟؟>
<حياتنا فخطر شكون ماكان؟!>
<ماكاعيش مني حيت قتلت صاحبك؟؟>
<مكانش صاحبي غير معرفة.. قلب عليها... دابة خاصنا نخرجو من هنا حيين ..>
تسمع ثوت خافث كيقول : <أيسِل؟!! أيسِل؟؟!!!>
خرجات عينيها بدهشة وإينك شاف فيها بتشكيك: <هادو معاك؟؟>
ايسل نطقات بصوت خافت حيت مامتيقاش ولكن مسموع: <علي؟؟ واش علي؟؟>
تسمع صوت على قريب: <لقيتها لقيتها دراري هنا لفوق!!>

دخل للغرفة وهز سلاحه في وجه إينك لي أيسِل مخشيا وراه وحتى هو هةز سلاح فوجهه:
<أيسِل نقتل هادا؟؟>
<لالا علي ماتقيسوش... >
بصدمة مامتيقاش صديق لي جمعاتهم غير انترنيت آخر مرة شافتو كان فآيطاليا وعاونها تبحت على الأكادمية في دارك ويب ومن داك لوقت وهوما على إتصال بحكم صعيب تتبع محادثات تم:
<كيدرتي حتى وصلتي لهنا؟؟ كيفاش؟؟ شكون عاونك>
تسمع صوت من وراه وبان مولاه مبتاسم نفس لإبتسانة لمريضة لمعهودة:
<غاندوزو حياتنا غير كنعنقو فيك نتي!!  It's good to see you a live I can't bear another lost
مزيان من لي راك باقة حية ماقادش على خسارة أخرى وسطنا>