الفوهرر

🪦الفوهرر🪦 31

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

رافا:25

واقف فيديه منضار كل مرة يهزو لعينيه مقابلهم كيعومو بعاد عليه وكل مرة كيوقفو يضحكو ولعبو فلما، ومع كل ثانية كيزيد يتعصب ماشي هادشي لي كان باغي فعوض هاد المرح كان باغيها تكون معصبة تلقى صعوبة فلعومان...
لاحض يخت نيك لي قرب ليهم ووقف بعيد كيهضر معاهم هز لمنضار مرة أخرى وشاف صبع أيسِل لي موجههاه لنيك 🖕 بتاسم بخبث..
<أيسل ممممم غادي نستمتع هاد لعام على غير لعادة هههه>
شاف نيك لي راجع بليخت ديالو ولبنات بقاو كيعومو ماهامهمش لوقت لي تأخر ولا يقدرو يكونو مارضوش ليه لبال من هنا لعشرة دقايق ماغايقدروش يشوفو فين كيعومو دار إشارة لنيك يجي لعندو...
تمشى بخطواة بطيئة لجيهة لميناء منين يقدر يركب فليخت وفنفس لوقت يضيع شوية الوقت، طلع لعندو ملامحو مدروسين ماباينش عليه لا لغضب لا والو...
<مابغاوش يطلعو لليخت>
<عرفت>
<فين غانمشيو>
<رجع لعندهم>
على حسب المثال خير لكلام ماقل ودل كلامو قليل ولاكن واضح ومفهوم بلأخص وسط صحابو مايحتاجش يهضر وطبعا كيفهم صحابو كتر ما كيفهم راسو..

<عندك كلام باغي تقولو هاني كنسمعك!! غير وزن هضرتك قبل ماتنطق>
نيك تنهد وقال: <اشنو بغيتيها هاد أيسِل>
ضار عند صاحبو وهو هاز حاجبو: <عجباتك بغيتيها؟>
<ماشي حتى لديك الدرجة ولكن مانكرش بلا قرطاسة وعندها واحد سبارك (شرارة*نار*) فعينيها شداتني ليها>
<قرطاسة وديالي تفاهمنا؟؟>
<ضروري تموت؟>
<على حساب>
<بغيت نعرف كتر على قصتها وعلاش هي بدات جبتيها لهنا>
<شفتها فمراكش وعجباتني>
<والسبب الحقيقي؟؟>
<ماشي وقتو مع الوقت غادي نكشفو أوراقنا>
عينيه رجعو على صاحبو ودراعو ليمنى عارفو مايمكنش يخونو ولا يلعب وراها ولكن شحال ديال شعوب دخلو للحروب فقديم الزمان على قبل أنثى... رجع عينيه على البنات لي وقفو من لعومان من لي شافوهم جايين ولاحض أن فيكي هي لي كتهضر معاها وأيسل غير كتصنط وعينيها عليه **مزيان تعرف راسها معامن**
وصلو قدام لبنات وشمس قربات تغرب كليا، قرب للحافة نيك وبتاسم لبنات عامو قربو ليهم:

<حوريات البحر كتعرفو تعومو فالضلمة؟؟>
فيكتوريا شادة دراع أيسِل وكتورك عليه: <نسيت شمس غاتغرب لالا ماغانقدروش نعرفو فين حنا>
<اري يدك وطلعي نرجعوكم معانا>
رافا و أيسِل ماكيهضروش بلكلمات عينيهم لي كيتحاورو وكيضرسو فبعضياتهم... بزوجهم عينيهم على ملامح لآخر  كييحاول كل واحد فيهم يحلل شخصية لآخر، زاد زوج خطوات للحافة مخنزر..
قبل مايهضر ايسل شافت فصاحبتها لي وقفات فليخت مقابلاهم:
<نتلاقاو غدا>
ضارت بدات تعوم وسرعان ماتسمع صوت لما وراها ضارت كتقلب مبان ليها والو هزات عينها فليخت لقات نيك وفيكي عينيهم خارجين فمكان واحد، عرفاتو تلاح وراها لشي سبب بدات كتقلب والو مبانش ليها خدات نفس عميق ونزلات تحت لما غير حلات عينيها شافت تحتها لقات عينيه عليها كان كيتسنى فيها.
كيحرك يديه ببطء محافض على تنفسو وهو تحت لما عيونهم على بعضهم منتاضرين شكون لي النفس ديالو ماغايقدرش يتحمل أكتر، فكرات بلي هادشي طفولي ماكيستاهلش وقتها....
لاحض حركتها قبل ماتكمل محاولة الحركة... باغة طلع للسطح لماء ولكن شدها من رجلها وجرها بجهد حتى حلات فمها من الصدمة، تماما دكشي لي بغا انها ماتبقاش حابسة تنفسها ومتحكمة فيه نزلها لعندو وهي كدفع فيه عارفة راسها من لي غوتات شربات لما دكشي علاش بغات ترجع للسطح باش تاخد شوية اوكسجين ولكن رافا حال دون دلك...
حاوط دراعو على يديها بزوج وضهرها حاكمها قدامو وكيحرك رجليه هوما باش كيعوم وهادشي علاش مابداوش كيغرقو كتر لقاع لبحر، جارها معاه وكيعوم جنب ....
كيتسناها تعرف بلي ماكينش مخرج، قربات تخنق عينيها تحلو على آخرهم ترخات بين يديه وعينيها كيطلبوه ماتكونش هادي نهايتها..
ضوء لي كيخلي عينيها يلمعو طفا واستسلمات لي ماتوقعش هي أخر حاجة دارتها ...
بتاسمات ليه، وهنا عرفها باغة لموت وكتفضل تنتاقل لعالم لآخر، بتاسم جنب دابة من لي عرف لموت ماكيخوفهاش كاين اساليب أخرى ...
غمضات عينيها مستسلمة وهنا تسمع صوت لما تاني وبان نيك لي كيقلب عليهم شافو رافا وطلقها نزلات مزال تحت كتغرق، نيك دفع برجليه مزيان كيعوم وصل تال عندها جرها لعندو وخرجها من لما لقا رافا ياله كيطلع لليخت...
فيكتوريا وجهها ولا صفر تخلعات عليها ومن لي شافتها هكاك بحال لجتة زادت من وتيرة لخوف تقدمات لآخر اليخت ومدات يدها كتعاون نيك يخرجوها من لما اما رافا برك فاليخت وهز فوطة وكينشف فشعرو!!!

مجنوناتي تفاعلو ماشي غير حيت كنحط راني نتسية نعاسكم ليا هنا... بليز تعاليقكك كيهموني كتر من جيم ❤