الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أينك: 32**

#الحاضر

(ضروري تقراو شكون كيهضر لفوق⬆️)
فرق كبير فهاد العالم البائس بين أنك تساعد روح أخرى وبين انك تستغل معاناتهم لتحقيق مكاسب خاصة بيك، ونتا كتخدع راسك وكاحاول تيق بلي راهم متماثلين للفكرة من تلقاء داتهم وحتى حد مابززها عليهم...
الحب كيشفي وكيساعد ؛ الجشع كيخفي نفسه على أنه مساعدة لكنه يثري نفسه على حساب الآخر. واحد فيهم كيجلب السعادة والآخر مشقة. دفة سفينتنا الجماعية ليست في أيدي الفقراء ، لم تكن أبدا...
ماعرفتش إمتى وليت كنفكر بهاد العمق ولا أش وقع حتى وصلت لهنا، ولكن لي عارف هي أن هاد أيسِل غاتكون آخرتي..
الإخوة روميرو سبابي فالتعرف على أنوير نهار حرقو طوموبيلة ديالي وبقاو كيتعقبوني عرفت بلا سر غايتكشف، كان ضروري نبدل الوجهة نبدل الوسيلة لي نوصل بيها لي بغيت..
سيمانة بعد حرق طوموبيلة وقف قدام لحبس كنتسنى فأنوير وانا عارف خطة خروجهم من لحبس وشكون معاونهم وفين غادي يكونو ومعامن... وغي للحيطة مايشكش فيا خليت لإخوة روميرو تبعوني حتى لعندو...
طلبت منو لحماية منهم فلمقابل عرضت خدماتي عليه، دازت ست شهر على هاد لموال ولاول مرة عيط ليا فمهمة خلى عندي بنت...علاش بالضبط هاد لبنت...
وقفت فماكدو خديت ماكلة حتى للمونتيف لي عندي فلقبو ولا كيما قالت هي قبر... من لي وصلت نزلت ديريكت لعندها كل خطوة فيها زوج درجات، هاد لحماس وهاد لأحاسيس باش نتأكد بلي راها لباس عليها مابقاوش مريحيني...
حليت لباب بسرعة لقيتها واقفة حدا لحيط ضفرها كلو دم كتحسب لأيام حتى يسالي هاد شهر وتواجه مصيرها، حافرة شرطة أخرى متبعة ايامها هنا واخة ماكينش منين تعرف واش نهار ولا ليل من غير من لي طلع دوش...
غير تسد لباب ورايا وقفات مقادة بكل تعالي وهزات دقنها لفوق بكل تحدي كالمثل **يا جبل مايهزك ريح**..
بطبيعة لحال ماقدراتش تشوفني فالضلام:

<شكون تم>
<وقت لماكلة>

بكل غضب حاولات تحرك بسرعة ولكن سناسل خلاو حركتها بطيئة بكل عصبية صرخات فوجهي:

< بارح ماجيتيش ماكليت والو وماشربت تاحاجة وخليتيني قضيت حاجتي هنا!!>
<وليوم غادي تنقي وتغسلي لبلاصة فين قضيتي حاجتك باش تقدري تبقاي فيها.. قلت لك كل حاجة بعقابها..
ول بارح استغليتي لحمام تقلبي على سلاح مرة اخرى قبل ماتحاولي غاتعرفي اشنو عقابك>

ماشي من مصلحتها ولكن بكل تحدي جوبات:
<ماغادي نغسل تاحاجة خليني هنا فلعفن ربما نموت بشي مرض وديك ساعة (دارت اشارة بيدها كتعني بسن قوسين) لبوص ديالك God (أنوير) يلحقك عليا..اصلا ميتة  ميتة عاجلا أم آجلا>
<دراما ديال عيالات عمرني نفهمها وماكنحاولش نفهمها... هاوا غداك كوليه لوحيه شغلك هداك>