الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:91
أي شخص عاقل غايحاول يفيقو بلما، صدمة لماء لبارد على جسمو غاتفيقو، ولكن عقل كريس لمريض كيخدم بطريقة مختالفة... وقف قدام الطالب وهبط للضربة لي فلفخض قلب على تقبة في ملابسه وخشا صبعو حتى لقا جرحة ودخل صبعو مزياان بكل جهد كيورك، فاق شاب ومعاه صراخو ملأ المكان تاني....

<كريس حبس>
<بلاتي نجبد ليه قرطاسة ههههه بقا فيا دابة يجيه شي إلتهاب هههههههههه>
<كريييس... هادا ديالي... سير شوف أيسِل فيقها>
كريس رجعو عينيه على طابلتهم خاوية كيدل على أن نيك مشا وخلاهم ومابغاش يحضر لحالتها هاكة، من لي ركز فأيسل حل فمو بشوية ورجع سدو...

<واقلة ماعندنا مانفيقو أوفردوزات ولكشكوشة خارجة من فمها>
<فااااااااااااك>

زأر بصوتو رجع سلاح للراس شاب وفرغو فيه عاد تبع كريس لعندها، لقاه هبطها للأرض من فوق كرسي وصباعه كانو وسط حلقها كيحاول يعاونها ترد.. دفعو رافا بالجهد:

<القل. **وي ماغاينفعش معاها رضان.. ماغايخرجش من فمها مدام كتكشكش غادي غير تخنق ودخل ليها لريتها وديك ساعة غاتموت نيت>

فيكتوريات جات كتجري ودخلات وسطهم ضوراتها جنب كشكوشة أكثر وأكتى كتخرج من فمها، بعينين دامعين كتمسح ليها فمها بشالها لي حيداتو من عنقها، أما رافا مشا لجاكيط ديالو جبد علبة من جيبو دخلاني حلها بسرعة جبد برا وعمرها ورجع عندها....

<بعد منها أش غادي دير تاني بليييز عاونوني نديوها للمشفى بليييييز>

رافا مادواش معاها مركز غير فوجه أيسل شاحب لاحض صدرها ساكن يعني ماكتنفسش وغايكون قلبها قريب يسكت، خلاها فنفس لوضعية جنب، شد ليها دراعها وضرب ليها شوكة فالعضلة ... شاف فيها للحضة لقاها باقة ماستاجبتش للحقنة..
كريس دفع فيكتوريا حيدها من طريق ورجع ايسل على ضهرها حل فمها كيقلب واش باقة شي حاجة واحلة فحلقها حابسة ليها تنفس، من لي مالقى والو رفع ليها دقنها بشوية وحط صباعو على نيفها غايبدا CPR التنفس الإصطناعي.. يدين رافا تحطو على دراعو وبإشارة رجع كريس لور مخليه هو يبدا التنفس ليها وكل مرة كيحسب ليه كريس ورجع رافا كينفخ ليها في فمها.
تسمع صوت ضجيج عالي توجهو لأعين للباب كافيتيريا دحل نيك فوق موطور كبير بكل سرعة خواو ليه طريق بكل خوف، وقف قدامهم وفنفس لوقت وقف رافا بعد ما لاحض تنفسها بدا ولكن بطريقة بطيييئة شبه منعدم لا بقاو هنا شوية مزال غادي دخل فغيبوبة ولا فعلا تموت...

<نزل انا لي غانديها>
لأول مرة كيشوف فعينين نيك عتاب وغضب ولكن مع دلك عمرو يتحداه... لأخوة رغم الإختلافات عمرهم يحقدو ولا يكرهو بعض بلعكس كتزيد توطد علاقتهم.. نيك هبط هز أيسِل بكل رقة باسها على جبينها، خلا رافا كرز على قبضة يده وسرعان مارتاح من لي ماطاها ليه وقال...

<ماتخليهاش تموت>