الفوهرر

🪦الفوهرر🪦 27

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسل:22

ضار ببطء ومن لي جاتو عينو عليها قرن حجبانو وتمعن شوفة فيها من ساسها حتى لراسها...
بكل توتر أيسِل ماعرفاتش فين تشوف واش صدرو لي بارز وكلو وشام وعضلات ولا وسامتو وهيبتو، ولا تركز مع شوفات لي كيدير فيها وأشنو معناهم بقات عينيها على عينيه كتسناه يقول شي كلمة...
طلق من لبنت لي شهقات وهي كتحاول تنفس عادي وضار تقابل معاها، عينيه فيهم نوع من شرارة كتكون سباب فإشعال نيران محرقة، رافضة انها تبين لو اي نوع من لخوف بسباب نضراتو ليها رفعات دقنها لسما قدات كتافها رجعاتهم لور ودفعات صدرها بكل ثقة:

<خود لك صورة ديها معاك وبقا تخنزر حسن من هاد لوقفة... >
<Who the f*..ck is this??>
<شكون هاد ****>
كريس مال لعند نيك وبهمس مسموع:
<يكون فقد الداكرة؟>
نيك هز كتافو بلامبالات وعينيه ماحيدوش من على أيسِل...
رافا قرب ليها بخطوات ثابتة: <شكون كتصحابي راسك باش دخلي فأموري؟؟ تيقتي؟>
شافت فلبنت لابسة عادي وباين مستواها بحالي ماشي من لأغنياء ماشي بحال هادا وصحابو، جات عينيها على كريس لي هز حاجبو كيشوف فيها بتاسمات ليه ولكن مابادلهاش لإبتسامة، وشخص تالت نيك بقات كتشوف فيه وهو حتى هو عينيه عليها ماتزحزحوش.. تقدم بخطوات وقف حدا رافا:
<من لأحسن تكملي طريقك ودخلي سوق راسك>
أيسِل رجعات عينيها لرافا لي كقابلها بحال قناص قبل ماينقض على لفريسة ديالو، حسات براسها دخلات مشاكل هي فإستغناء عنهم ولكن عمرها مشافت ضلم ودازت وتجاهلاتو....

<علاش حاكرين على بنت وحدة بتلاتة بيكم؟؟ حيت فقيرة ماشي بحالكم؟؟ هادشي ماكيعطيكمش لحق تتنمرو على بنادم>
قهقهات صدرو من حلق شخص لوحيد لي عمر ابتسامتو مبانت غير للناس قلال محسوبين على رؤوس لأصابع، ضحكات صدمو كل لمارة لي وقفو كيتفرجو وكيوشوشو....
<تنمر قالت هههههههههه>
كريس جا وقف حداه كيشوف فيه وكيرجع يشوف فأيسِل ماتيقش اول لقاء ليه بيها وبه طريقة وقدرات تخرج قهقهات لي عمرهم سمعوها قدام بنادم اخر، بسناتهم اه كيتعاملو مع بعضهم للبعض على طبيعتهم ولكن قدام الناس طل واحد فيهم متشبت بصمعته قدامهم...
<نييك رااافا ضحك، واقلة نفرتكو هاد لمجمع قبل مانوصلو لشي حاجة أخرى وهي باقة ماسنات على لوراق>
نيك تحرك وشوش لرافا فودنو يعلمو بلي باقة مسناتش على لوراق، هاد لمنضر خلا أيسِل رجعات خطوة لور وتعصبت من طريقتهم فلهضرة وتعامل معاها..
اما رافا دفع نيك ببطء حيد من طريقو وتقدم بخطوات لعندها وهي بدورها متمالكة أعصابها مباغاش ترجع لور ولا توريه أي خوف وفالنفس لوقت جسمها كلو كيصرخ (هربييي)...
<أشنو غاتنمر عليا حتى أنا>
<كيصحابلك التنمر هو لي غايكون عندك معاه مشكل فهاد لأكادمية؟؟>
متحركاتش من بلاصتها محافضة على هدوئها لخارجي مال بوجهو لعندها عينيه على عينيها، حاولات تشوف فبلاصة أخرى لمحات لبنت لي دافعات عليها وقفات رجعات بلور وهربات تجري فلإتجاه لمعاكس...(بنت لحرام انا كندافع عليها وهي هربات)