الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسل:63

<لا مهمتك الحقيقية تقتليه... فكري مزيان قبل ماتاخدي شي قرار طائش يقدر يكون سباب فموت ناس كتيرة...>
وقفات مكانها ماقدراتش تزيد خطوة اخرى رجليها فشلو، عينيها واسعين وكتردد على مسامعها "تقتيله"...

<انا نقتل؟؟ مايمكنش تسطيتي نتا... لا لا ...>

شدها من دراعها ودفعها قدامو وبقا غادي بيها طلعو فدروج للسطح اليخت:
<ماضيعيش ليا لوقت بالهضرة..>
أيسِل مابقاتش واعية دماغها تبنج وعقلها تبلوكا، ماعندهاش خيار أخر... ولكن باش توصل لقتل... مابقاتش واعية بلعالم لخارجي للدرجة مالاحضاتش نزولهم من ليخت للمناء **لابويرطا جهواريز**، كانت هيليكوبتر لخاصة ديالو كتسناهم ... كريس على متنها كيتسنى بفارغ الصبر شحال ماخرج فشي مهمة للخلية، وفحال عادتو كيتمنى يقتل شي حد، لمحهم من بعيد جايين وعينيه ضارو للشخص لي متحكم فلهيايكوبتر الطيار نيك؛ لحاجة لي معروفة عليه أنه كيعرف يسوق اي حاجة تخطر لك على بالك...

كريس شخصيتو من نوع لي كيبغي يعيش احاسيس ناس لي على وجوههم، حيت هو عمرو عاشهم، لاحظ عينين نيك لي تحولو للغضب، بلخصوص انه من وجه أيسل باينة داخلة فصدمة، قدر يحدد بضبط بلي نيك عندو ضعف من ناحية أيسِل وبلي رافا عارف وكيلوح ليه فوجهو بلي راه ديالو للدرجة فعلا الورقة لي مضات عليها كتقر بلي هو لوصي ولمالك... تماما كالماضي؛ ورقة عبودية من نوع أخر، لأنه ماباغيش شخص يستعبدو ولكن باغي روحو تكون ليه، كأنه  عقد  اتفاق مع الشيطان a pact with the devil.
باقة ماحساش بالعالم الخارجي ماواعياش بلي طلعات هيليكوبتر وربط ليها حزامة السلامة ولإبتسامة مافرقاتش وجهو، لما لا ودكشي لي بغا وصل ليه.. بدا كيهرسها شوية بشوية..

لا صوت لمحرك ولا صوت المروحة خرجها من تفكيرها، كتدرس لحلول وماكينينش بزاف، لا قررات تموت عل اقل تجرب ودير لي عليها، إلا ماقدراتش على اقل ضميرها مايأنبهاش...
رمشات عينيها وهوما فلهواء متجهين للقلب ميكسيكو، ببطء كضور عينيها فلهيلوكبتر ماكانتش كتخيلها فحال هاكة وكبيرة، صيكان فحائط معلقين فالحيط تابتين ميني فريدج فيه مشروبات... غمضات عينيها للمدة حتى حسات بلى هابطين يعني وصلو لوجهتهم، توترات وزيرات على يديها...
كيما تكلف طلعها، هاد لمرة نزلها وطلعها ليموزين لي كانت كتسناهم... لاول مرة فحياتها جاتها دوخة والسبب كترة المواصلات لمتنوعة بحرا جوا وبرا...

تحركات سيارتهم ونيك شاف فيها  بنضرات باردة من لي بركات، ورجع عينيه لصاحبو:
<غاتمشي معانا هادي لوطيل؟؟>
وبدورو رافا شاف فطريق بان ليه لوطيل حياة رجنسي قريب رجع عينيه عليها:
<غاتبقاي فطوموبيل مع واحد من رجالي ومابغيتكش تحركي من هنا مفهوم؟؟>
كريس بابتسامة جانبية: <ماعندها فين تمشي هههه>
نيك باستغراب حز حاجبو كيشوف فيها أما أيسل ملامحها باردين متوجهين لرافا:
<مفهوم>
<Good girl>