الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:53

في الضفة الأخرى  للأكادمية..  واقفة بكل توتر  قدام المرايا كتشوف فراسها متأثرة ل
لدرجة عينيها اكتسبو لمعة الاعجاب لمرآى تحولها لأنثى كاملة الجمال ،  عمرها شافت نفسها  بهاد الجمالية والأناقة ..
فيكتوريا وراها كتقاد ليها اللمسات لأخيرة وعينيها مرة مرة كيهبطو للكسوة من لي سمعات من فيكي ثمنها كانت  لبساتها، أما كون حيداتها ورجعاتها ليه ولكن دابا فات الاوان ماعليها غير تستمتع بيها... التفتت  مبتاسمة كتشوف فكسوة فيكتوريا لحمراء سامبل ولكن أنيقة بشكل مثير وجات مع جسمها الرشيق...:

<فيكي واش ماغاتزيديش من ميكاب؟؟>
<لالا عزيز عليا هاكة ناتيرال لي زين راه زين الخيبة>
<ياكي دغيا بدينا بلمعيور؟!! ههههه>
سمعو دقان وقربات ليها فيكي همسات فودنها: <فارسك لمغوار جا هههه>
<لواه لمخوار هادا ماشي مغوار>

قربات من لباب وخلات فيكي كضحك وراها حلات لباب ورمشات لعدة ثواني كتحاول تفهم...

<امممم شكون نتا؟؟>
<نتي أيسِل؟؟>
<امممم شكون نتا؟؟>
<واش جاك سؤال صعيب؟؟ نتي واش اسمك أيسِل اه ولا لا؟؟>

قالها ببطء وبحال كيتهجى ... تسمع صوت من ورا أيسِل صرخ: أمييييين  (هادا صديق فيكتوريا لي عودات لأيسل على خوه آدم لي تعداو عليه نوح وصاجبو جون مكانش فلأكادمية هاد لمدة كاملة)
صرخات بإسمو وبكل انزعاج مع كعبها لعالي جرات لعندو وتلاحت عليه، أما هو ابتسامتو كانت فرحة وعفوية:

<شنيولة ديالي شحال وانا كنقلب علك هههههخ قولي ليا تصاحبتي مع لبنت جديدة ... عمرتي بلاصتي؟>
طلقات منو وطبعات قبلة على خدو وبتاسمات:
< بلاصتك مايمكنش لشي حد يعمرها كنضن راك عارف لأكادمية ولي فيها..>
<على دكر طلاب لأكادمية هاد ختنا أشنو بلانها؟؟>
<هاد ختنا كتسمعكم وتقدر تجاوب>
فيكتوريا طلقات ضحكة ورجعات عند أيسِل عنقاتها:
<نقدم لك أيسِل طالبة جديدة وديجا ضاربات مع نوح وجون وعارفاهم اش كيسواو>
على دكر أسمائهم وجهو تبدل وملامحو رجعو غضب وأعصاب عينيه رجعو ليا وهز حاجبو:
<وباقة حية وصحيحة؟؟ اش وقع؟؟>
<عتقها لفوهرر>
<واش نتي غاتبقاي تهضري بلساني؟؟>
امين عينيه واسعين على آخرهم مفارقوهاش:
<طحتي تحت من رادار ديال فوهر؟؟ فيكتوريا ماتعلقيش بيها بزاف مدام رافا حاط عينو عليها ماكنضنش غادي طول بزاف معانا>
<فيكتوريا صديقك ضريف بزاف باين من لول>
<ماقصدتش!! مهم جيت من مكتب لعميد ديريكت عطاني <تيليفون نسيفطو لك بما انك ماعندكش واحد خدام، عطاوك واحد تابع للاكادمية وكيخدم انترناسيونال.. وقاليا نوصل لك بلي ماماك كتعيط وبغات تدوي معاها.>