الفوهرر

🪦الفوهرر🪦 17

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

رافا: 15

بعد مرور أيام قليلة وراء زيارة رافا لإيطاليا ولقائة بفاليريو...
فنفس صالة بارك نيك وكريس بتوتر كيتسناوه يخرج من بيتو...
<نيييييك قوليا اش عارف وانا نقولك اش عارف>
<قرب ليه وهمس: راك عارف غايقدر يكون كيتسنط لينا>
<ومن بعد يسمعنا مالنا كنكف**>
<ديما كدير فيها واعر غير كيوقف قدامك كتولي قطيطة>
<قطيطة؟!! نجبدو لك تشوف واش قطيطة>
<شي نهار حاول تقول جملة بلاما تخصر لهضرة ولا يكون عندها معنى خاسر>
‏<And where is the fun in that>
(أين المتعة في ذلك)
نيك بقا كيضحك ولكن دغيا جمعها:< دوي اصحبي بالدارجة راه منع اي لغة اخرى>
<اصحبي هاد لقرار مافهمتوش انا بعدا!!!!
علاش لعام لي فات كان مع ديك لعربية ومقالش لينا نتكلمو معاها غير بالعربية علاش زعمة هادي مافهمتش أشنو بلانها>
<هاديك لعربية كانت غير دمية جنسية ديالو عمرو نعس مع شي عربية قبل.... هادي آمر أكادمية كلها تهضر بلغة وحدة من احسن نفدو أوامر حتى يقولينا فالوقت المناسب>
<بطبيعة لحال لي قالها غنفدها ولكن لفضول ولد ل**** ماكيخلينيش فحالي غانبقا نقلب حتى نعرف>
نيك قرب ليه وقال: <على مافهمت من لي كنا فجيت (طيارة خاصة) بلي لبنت كاينة تم فإيطاليا وبلي رافا ماعرفش علاش خرجات من لمغرب أصلا!! دكشي علاش دار شي خطة مع آل كبون باش يطيحو البنت فلفخ و عرفو عليها سر لي يقدر يعاونهم يرغموها دخل للأكادمية... دكي داك val>
<وفين كنت انا من لي وقع هادشي؟؟>
<كنتي خاااامر طريق كاملة ونتا ناعس ... سمع سمع عرفتي خدموها غير بالدكاء فاليريو سيفط رجالو بقاو تابعينها لبنت خافت وهربت ولكن هوما حاصروها حدى فين كاينة ديك لمسلمة لي طايح فيها داك خونا آل كابون... لبنت رتاحت ليها وعودات كلشي هههههه ومافراسهاش كيتسنطو ليها ههههههه علااام سمعت تسجيل نيت بصوت بنت كتعاود ومعاها ديك لمسلمة>
<معندي مع هاد لمسلمين باغين يسيطرو على لعالم>
كريس شاف فيه باستغراب:<أمك مسلمة ومغربية لا؟!! >
<أش جاب مي لهضرة دابة البشر؟!! قلت لك لمسلمين بصفة عامة>

سمعو صوت لباب تحل عم سكون مقالو والو حتى وقف ورا لبار حل قرعة ديال يامزاكي نوع من انواع الويسكي الفاخر فعمرو 18عام...
كريس وقف وعلى وجهو ابتسامتو لمريضة:

<واو قرعة لويسكي ديال تمنية لمليوووون... راك ناشط على هاد لحساب...(سكت ثواني وبتاسم بخبث) وضارب حطة هي تيتيز جاي ليوم>

تحرك بسرعة مالحقش كريس يعرف اشنو واقع لقا راسو فلأرض ورافا باقي هاز كاسو وغايشرب منو، شاف وراه لقا نيك باقي فبلاصتو مبتاسم .....
<واش جمعني شي حد بشمال ولا غير جاب ليا الله؟؟>

تسمع صوتو لي خلاه يجمع لوقفة:
<اكادمية كلها خاصها تعرف ممنوع يوصلو ليها ولا يقيسوها فهمتيني؟!! >
<يس بوص>
<كريس سير للمطار طيارتها غاتنزل مع تلاتة ... نيك هاد لعام غاندخلو للحصص كاملين نحضرو ليهم>
< ممكن نسول اشنو لفرق هاد لمرة علاش هاد للبنت>
هز لكاس بكل بطء كملو برشفة واحدة وقابل عينيه مع نيك:
<من لي كنشوف وجه ماكنساهش>
قال كلامو وخرج خلاهم واقفين فبلاصتهم.... نيك هو لول هضر
<تفكرتي أش تفكرت؟؟>
<بلي مافطرناش ؟>
نيك حرك راسو بنفاذ صبر: <خرج تق* *د عليا>
<اوكي اوكي نجيب لك فطور معايا وانا جاي من لمطار؟؟>