الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

رافا:59

بركان من الغضب من لي شفت أمين فكولوار قدام بيتها، أش كان كيدير تما وكيفاش تجرأ يهضر عليا.. لي غايشفع ليه أنو لازم  يبقا حي باش نضمن معرفة مكان  خوه لي تعدى عليه نوح ...
نوح واحد من رجال لمخلصين لأنوير والجاسوس الرئيسي ليه فالأكادمية وهادي آخر حاجة بغيت ولكن فنفس لوقت ماشي وقت المعركة الأخيرة ....
قالك أب أشنو هي اصلا الأبوة؟؟ عمرني فهمتها وعمرني غانفهمها ولا عندي رغبة نعرف عليها شي حاجة... بالنسبة ليا هداك ابشخص هو عبارة عن مصدر  الحيوان المنوي لي صنع مني جنين فقط لا غير.
غضب كأنه شعلة صغيرة تمركزت في أعماق البركان الداخلي، ومع كل حدث ناره كاتزيد، وكل مرة هاد البنت السادجة كتهرس كلامي ولا كتعامل بعدم مبالاة لأوامري.. تحداتني وطلعات للسطح رفم اني آمرتها  تبقى فالحفل وأكدت عليها لسبب واحد  لي هو أنوير...

بعد لقائي بيها فمراكش كنت متأكد أنه اهتمامي بيها ماشي حب من نضرة اولى ولا فضول ولا جمالها... السبب الحقيقي كانو ملامح وجهها، حاجة لي معروفة عليا عمرني كنسى شي وجه من لي كنشوفو... وجهها كان فصورة قديمة لأنوير فالمكتبة الخاصة ديالو، ولهاد السبب مابغيتوش يشوفها حتى نبدا بخطتي ولكن دابة ضيعات راسها هو لول...

<شكون هادي؟؟>
<طالبة!>
<كتستفزني أرافا جاوبني مقاد!! هاد طالبة بغيتها تخرج من الأكادمية اليوم قبل غدا؟>
<رافا: ومن بعد؟؟>
<ماتنساش عندي منصب في مجلس إدارة الخلية!!>
رافا بنفاد صبر:< ومن بعد؟؟!>
< رافا من الأحسن ماتوقفش فوجهي!!>

رافا قرب بخطوات ثقيلة قدامو وبحكم طولو، وقف من لي كان قريب ليه وواقف قدام وجهو، حدر عينيه بكل إحتقار كيشوف فيه:

<كتهددني old man؟؟؟>
<نتا لي بديتي خديتي صورة من كتابي سنين وانا كنقلب عليها>
<واعدتك غاناخد كل ماتملك!! وانا كنوفي بوعودي>
<اشنو دخل صورة من الماضي فممتلكاتي؟؟>
<لاروكا أنوير محتافض بصورة هاد سنين كلها إلا وعندها أهمية>
<معندهاش اهمية!!!!!>
<وعلاش معصب؟>
<اوكي باغي تلعب معايا.... ياغاتخرج من  المدرسة هاد أيسِل ولا نخرجها فكفن>
<خلي تهديداتك لشي حد كيهمو لأمر...>
<إلا ماكيهمكش أمرها خليني نطردها من الاكادمية>
<أنا لي جبتها وانا لي غانخرجها ولا منخرجهاش نقتلها ولا نخليها لي بغيت غانديرو من أحسن لك تبقى بعيد ولا غاتشوف رافا آخر>
<غادي نقتلهااااا...>
<ساليتي؟؟ دابة خرج من اليخت ديالي ...غير مرحب بيك هنا>
<غاتندم على هاد التصرف غاتندم بزااااف من مصلاحتنا بزوجنا ماتبقاش هنا هاد الطالبة>
<كلمة أخرى غانلوح ***** من هنا>
<ur time is up get the hell out of here >
(وقت سالا خرج عليااا )

وقف كيحدق  بكل حدة عينيه كلهم كره وحقد، رجع خطوة للوراء عينيه مالو للإتجاه لي مشات منو أيسِل قبل، كأنه بدا كيخطط لأول خطوة ليه فهاد لمعركة لي بلا شك ... تسمع صوت قفزة شخص ما وبزوجهم طلو وفثواني بانت ابتسامة جانبية على وجه أنوير، هز راسو فرافا بكل تحدي..

<على مابان ليا kaplan henüz evcil değil ههههه (أنثى النمر لا زالت محتاجة ترويض)>

تصرفها كان غبي، تثير الإنتباه أكتر كل نهار، كونات أعداء ليها من اول ايامها هنا، خطواتها غير ذكية عشوائية غير متوقعة... حتى ولو مكانتش فرادار ديالي من لول كانت غاتكون فحياتي لامحال... ماكنآمنش بالقدر، لا .... وإنما كنآمن بلي أي حاجة متوافقة معايا وكتروق لي، ديما كتكون ديالي حتى قبل مايترسم ليها نصيب او طريق لنهايتها....
تحديها لي مستفز، طريقة كلامها الموجه لي خاصو يتغير خاصها تعرف حدودها ...ليوم غاتدفع ثمن سذاجتها.