الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:48

أيسِل:

شحال وانا حابسة راسي فدوره لمياه مخبية على كلشي حتى من فيكتوريا شحال وهي كتسنى فيا، عرفاتني محتاجة وقت بوحدي نفكر فهادشي لي كيوقع فأنجيليس واشنو خاصني ندير...
ماقادراش نواجه شي حد قبل مانكالمي راسي ونتحكم فأعصابي.. هاد لمكان ماغانقولش خرب حياتي حيت عمرني كان عندي مستقبل محدد ومدروس، كنت عايشة نهار بنهارو شي مرات ماكنت كنلقى حتى لماكلة؛ لأيام لي كانت مريم كتمشي دير شي عملية كبيرة ياحشيش ياديال عقاقير الهلوسة، كانت كتغبر بعض مرات بشهور ولفلوس لي كتخلي ليا محدودة...مرات من لي كانت كتكون معايا كتخلص عليا أحسن لمدارس ولكن عمرها تسوقات ليا ولا بينات ليا شوية ديال حب...
جميع الأفكار متضاربة فعقلي ماعرفتش هاد لأكاديمة اش مخبية ليا ولكن غانحاول كلشي قبل ما نستسلم ... نهار جا عنر عندي لإيطاليا وكان غايقتلني خديت وعد لراسي وقدام الله أنني غانواجه مشاكلي وماغانبقاش نهرب... وهادشي لي غاندير.

ما خرجت حتى خوات دنيا ومابقيت كنسمع تاحد دايز من حدايا، من لي وقفت حسيت بلألم فكرشي فين ضرباتني دراشتي هزيت تيشورت وبانت ليا بلاصة يدات كتزراق...

<بنت لكلبة إلا ماندمتكش مانكونش أيسِل>

خرجت ومشيت لفيستيار (غرفة الرياضة) كنت غير غادي نبدل حوايجي من لي تفكرت لحفلة هاد ليلة قلت ندوش عاد نمشي عند فيكتوريا... أحسن حاجة دوش خاوي كلشي كان مشا بطبيعة لحال لي معروضين خاصهم يوجدو راسهم..
خرجت لابسة بينوار دحمام وفوطة فوق من شعري لفيستيار حليت locker (خزانة)، من لي حليتها تكبو حوايجي كاملين لي كانو للداخل؛ مشهد لبارح كيتكرر مقطعين طروفة كلهم ماكينش بياسة وحدة باقة مقادة...
<هههههههههههههههههههههههه كيسحابليكم حوايج مقطعين غادي يفقصوني ولا غادي نتأزم هههههههههه تنمرهم تافه بحالهم...>
<وليتي كتهضري بوحدك؟؟>

صوتو لخشن قفزني كان قريب بزاف للدرجة حسيت بأنفاسو حدا ودني، لمفاجئة ولخلعة خلاتني تحركت بزربة رجليا لي باقين ساردين زلقو مع لأرضية..عرفت راسي غانطيح ولكن ماكانش كيفاش نعتق راسي شديت فأقرب حاجة حدايا لسوء حضي كان《رافا》...

عارفة فاش كتفكرو ان هاد لحركة Clichy مبتذلة، فحال أفلام كيطيحو أبطال بزوج فلأرض وكتكون لقطة حميمية؛ أي حاجة متداولة خاصكم تعرفو بلا ضد شخصية هاد لإنسان لي قدامي... غير من لأيام لي عشتها هنا شخصية رافا ماكتنطابقش على لكتب الرومنسية ولا قصص لخيال...  لاا لاااا شخصيتو من نوع لي كيجيبو لكوابيس بليل ولعقد النفسية المستديمة...
طحت ومعايا أو بلأحرى بين يديا سروال سيرفيت لي كان لابس... تمنيت كون كان عندي قوى خارقة ونغبر من قدامو ومايوقعش هادشي لي كنشوف فيه بحال slow motion  (بالعرض البطيء)
أما لفوهرر ماتحركاتش فيه شعرة وحدة من غي عينيه لي تبعو جسمي لمكشوف، بسباب لحركة لي برزات فخاضي أكتر، حمد لله أهم لمناطق لحساسة بقات مخبية على أنضاره..
وقفت بزربة قاديت بينواري وانا عاطياه بالضهر كرزتو أكتر، وضرت غير جنب مكنشوفش فيه ديريكت عارفة راسي متوترة وهو كيزيد من هاد التوتر، كلامو وطريقتو الواثقة فلكلام مستفزة، ولكن ضروري من شي حد يوقفو عند حدو... وقاحة هادي باش يدخل لهنا وما هّامو حتى حد: