الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل: 68

رجع الأمان للسلاحو وخشاه وراه ونزل تريكوه من فوق منو، عينيه بلا مايحس رجع بيهم للأيسل لي بين دراع كريس كيتفقد حالها وكيفكر فمصيرها فنفس الوقت، رجع عينيه لنيك للحضات وهوما كيقراو بعضياتهم وكيحللو تصرفاتهم... وفنفس اللحضة حركو ريوسهم بتفهم، مامحتاجينش للكلام صافي تفاهمو وعرفو بلي بزوج مهتمين بيها، كل واحد فيهم بطريقة كتختالف عن الآخر ... ولكن نيك ماغايتجاوزش حدودو ومع دلك كان ضروري من تأكيد عليه من طرف رافا...

<هادشي لي دارت غاتحاسب عليه وكنفضل تاحد مايتدخل فلعقاب لي قررت ليها... متفاهمين؟!>
عم سكوت كإشارة موافقة، وصلو للمكان المحدد ديبو مهجور دخل كريس هازها عيونو جات على سلاسل مدلية من صقف لمكان وأخرى مبعثرة فلأرض مع خرداوات وأزبال تراكمت مع مرور الوقت...

<This is my kind of heaven
هادا هو النعيم بالنسبة ليا هههههه أيسِل أيسِل إنا سنسلة ندير لك؟؟ هههههه>
كمل موهمتو ورجع ليمو لي رجعت أدراجها للبار، أعصابو وغضبو فاتو كل الحدود، فعوض كان غايكون بعيد على العملية وتاحد مايسيق خبارو ولا في قلب المشكل...
حط صبعو على سماعة لي فودنو:
<مسحتو جميع cctv (كاميرات المراقبة)...... مزيان والهدف ديالنا باقي فنفس المكان؟؟ ... ماتخليهش يخرج من تم حتى نوصلو... دير خدمتك>

قطع البت اللاسلكي مع رجالو وعينيه رجعو لنيك:
<نيك ليمو ديالو بيضة>
بدورو نيك نفد الأمر الغير لمباشر تغير لون السيارة غير بأزرار ولا شبه الأصل.. وقفو أخيرا قدام لبار خرجو رجال كتار ضايرين بالسياسي كدروع بشرية كيحميوه من اي رصاصة طائشة تحاول تنهي عمرو...
خرج كريس من ليمو حل ليه لباب وهو مبتاسم بكل جرأة...
شخص: نتا جديد عمرني شفتك...؟
بخفة غير متوقعة دفع سياسي لداخل ليمو وخلا لباب محلول، رجالو مقدروش يتيريو فين كاين اابوص ديالهم وصوبو أسلحتهم لكريس، وقبل مايتيريو اغلبيتهم كانو على الأرض قتلى او مصابين... رجال رافا لي اغلبيتهم قناصة محترفين موزعين على المباني بشكل ذكي مغطيين لمساحة كاملة من جميع الزوايا، بدورو رافا خشا يدو فجيب سياسي جبد لكارط ودفعو برجليه لاحو برا ليموزين...
كريس طلع هو لآخر ونيك كسيرا تحت وابل من الرصاص لي من المستحيل يختارق سيارتهم، بكل ملل كريس سول رافا...

<علاش ماقتلتيهش ولا خليتيني قتلتو؟ >
<بحاا هادا لموت رحمة ليه، خليه الغاز غايتكلف بالمهمة>

كتحل عينيها فبلاصة مضلمة كتحس بلبرد ميتسلل لداخلها قشعريرة تكسو جسمها، لباسها شبه لعاري خلاها معرضة للبرد الشديد ...أكتر كتحاول تحرك ولكن جسمها معلق فالهواء يديها مجموعين فوق راسها ومعلقين بسلاسل مشدودة من الصقف، ألام كتير كتحس بيه بمفاصلها... حلات عينيها تاني كتحاول تأقلم مع ضلمة المكان...