الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسل: 97

نيك واقف حداها عينيه وساعو :< واش فقدات داكرة؟؟>
ياله بغات ضحك من كلام نيك ولكن الصداع الرهيب لي فراسها منعها وكمشات ملامحها بدات ضبابة كطيح على عينيها ولثاني مرة كتحس براسها غادي تغيب:

رافا ضار لعند نيك مخنزر ملامحه تبدلات في ثواني:
<نيك سير عيط لطبيب جيبو للجناح ديالي>
صوت رافا جاها مجهد بزاف للدرجة عطاها ألم حاد فراسها بزز خرجات هضرتها قبل ماتفقد الوعي:

< أي راسي >
<Shuuuu it's okay Babe I'll take care of you
شووو لباس علك غير غمضي عينيك غانتكلف براحتك ماتخافيش>

سمعات كلامه قبل ماتغيب فخطرة فعوض مايريحها كلامو عاد زاد وترها وخوفها كبر معاه... فهاد اللحضات داخل كيتكسل شعرو خاسر وكيتفوه كاعي على لوضعية علاش مفيقينو ، شافها فلأرض ودماياتها ملطخة الأرضية...رافا حاضنها لعندو ونيك عينيه فيهم تعب وقلق من جيهتها...  برك قدامهم قفازي ورسم ابتسامتو لمريضة المعهودة موجه كلامو ليها واخة عارفها فاقدة لوعي:

<ماعرفتش واش كاين رقم قياسي فالموت ولكن راك حطمتيه، زربانة باغة تخرجي من هاد دنيا ولكن hardluck  (حض غير موفق)... زيدي مرة اخرى نديرو لك ربعين قبل لوقت... بفففف مانعسوش معاكم فهاد لأكادمية؟؟ تعومي مع تلاتة صباح مالك؟ ضاربك جن كيف ماكيقولو لمغاربة؟ >

حتى واحد فيهم مانتابه لكلامو ولا جاوبو عارفين صاحبهم وطريقة التفكير ديالو بلا مايضيعو لوقت أكتر، هزها رافا متوجه لبيتو ضار فآخر لحضة لقا صحابو بزوج كيتسناو تعليماتو...

<نيك كيف ماقلت شوف شكون مول لفعلة تكلفو وعلموني..>
رافا تحرك خارج من لمسبح وتبعو صوت كريس كيغوت باش يسمعو:
<راه خليت طبيب فطريقو لجناحك>

دقايق تحولو لساعات وهو بارك بجنب سريرها كيتامل فوجهها، كون غير كانت ديما هاكة هادئة وناتستفزوش ولا تضغط على لحوايج لي كيعصبوه... عجبو ديكورها فوق السرير دياله كتبان بريئة وفاتنة شعرها لأحمر تناسق مع سريرو لأسود بدات كتحل عينيها بانزعاج، لاحض عدم راحتها ونقص ضواو دغيا وخلا غير لي حداها.. شافت فيه وبتاسمات للحضة ماعرف مايدير مامولفهاش مبتاسمة ليه هاكة ماعرفش أشنو يدير واش يبتاسم ولا يهضر ولا يتحقق واش فيها سخانة ولا شي حاجة مخلياها تهلوس...
علما ان طبيب طمنو ولكن ابتسامتها خربقات ليه حساباته:

<باش كتحسي؟؟>
<احم راسي ضارني بزاااف وحلقي جاف>
عطاها كاس لما بين يديها وعونها تشرب شوية:
<كنبان لك مزيان؟>
<اه كتبان مزيان.... ولكن انا فين؟؟>
<فلجناح ديالي؟؟>
<اه زعمة فين؟؟>
<كيفاش فين؟؟ (شاف فيها بتشكيك) كتفلاي؟؟>

تسمعو دقات خفاف على لباب وتحل دخلو بتلاتة واحد ورا واحد نيك كريس وفيكي أخرهم...كريس وقف هو لول قريب لها وضحك:

<هههههههههه واش نتي غاتبقاي تموتي وتحياي؟؟ عيقتي شدي طريق وحدة!! من ليوم انسميك لمشيشة عندك تسعة رواح هههه>
عينيها كيدورو بين هاد الناس لي قدامها وعاد رجعاتهم لرافا وقالت بصوت شبه مسموع:
<شكون هادو؟؟>