الفوهرر

🪦الفوهرر🪦 13

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

رافا:11

برينسبال لي هو مدير لمدرسة والناضر وقف من كرسيه وبتوتر عوض مايقول رافا اسمو عادي كيف مكتوب فكل الأوراق الرسمية زل لسانو وقال:
<Fuhrer!! I mean mister Rapha what's going on?? Is there anything in your room that...
لفوهرر احم مستر رافا!! ياك لباس شي حاجة مامقاداش عندك فلجناح ولا ..>
<نيك وقفو بيدو : فك لهضرة بزاف سكت من لي غايبغي يعرف شي حاجة غايسولك هو، دابة رايح لأرض وتبت معانا...>

<كريس وقف حداه وورك على كتفو حتى برك وقال بصوت غير مبالي وعلى وجهو ابتسامة جانبية: سيفطنا إيميل صباح فعوض لإنجليزية كلشي غايهضر بالدارجة المغربية واش ماعندكش أنترنيت فلعالم ديالك؟؟>

كنقوليهم مايبقاوش يوتروه بحال هاكة هو رجل خواف وانا باغيه يبقى هنا فهاد لمنصب وببقى خايف مني :
<لائحة طلاب جداد!>
<ايه ايه موجودة... غير هو طالبة وحدة ماتواصلاتش معانا و..>

نيك تعصب : و....و...اشنو كتهجى!!! طلقناااا>
قبل ماينطق بكلامو وقف قدامو رافا ويدو فعنق لمدير وهزو من لكرسي وهو خانقو عاد لاحو للأرض وبخطوات تقيلة قاصد أنه يخليه كيتسنى ولخوف يسكنو...

<كلامي كان واضح هاد لأسماء كلها تجي للأكادمية ويسنيو على لوراق لي وصلوك من قبل>

شاد فعنقو فلأرض وكيكحب:
<اه سناو كلهم سناو للبنت ماعندناش معلومات كتر من لعنوان وماحاولاتش تتاصل بالرقم لي كان في الرسالة>
بنفس ملامح لغضب:
>هادشي يكون فخباري ماشي حتى نجي عندك!! أول وآخر إنذار... انا غانتكلف!!
دراري صحابو بزوج بقاو كيشوفو فعصبيتو لي هاد لمرة غير مبررة بزوجهم دخلهم شك وتكلمو غير بالعينين نفس لوقت لي كانو غايسولوه فيه هضر لفوهر وصوتو فيه سلطة كتحس بكلامو أوامر وخاصها تنفد من غير مناقشة..

<غادي نسافرو إيطاليا ليوم نكونو تم بالليل (شاف فعينيهم ولمئة سؤال فيهم) عندي واحد ل favor (معروف) وخاصو يردو ليا...>
كريس بتاسم بشكل مضطرب: favor for a favor
(معروف مقابل معروف)....
*********************

#أيسِل

فجيهة اخرى من لعالم إيطاليا بالضبط خارجة نن لمكان لي كانت فيه وهي خائبة الأمل اخر بلاصة كان عندها أمل يكونو يعرفو شي حاجة على هاد لأكادمية أنجليس، وقفات فشارع كتنهد غاترجع خاوية لوفاض تاني حتي سمعات خطوات سريعة وراها خلفهم وجه شخص إيطالي ...
(حوار باللغة لإيطالية)
<آنسة يمكن لي نساعدك بثمن>
بعدم ثقة رجعات خجوة اخرى لور: <فاش غاتساعدني؟>
<معلومات كتيرة ماكتكونش فلأنترنيت ولكن تقدر تكون فديب ويب وانا هو تخصصي.... 50€>
<فاااك اوكي إمتى؟؟>
<دابة إلا عندك لفلوس>
<غاتاخدهم من لي تكمل خدمتك ونعرف أي معلومة على هاد اكادمية أنجليس>
برك غير فربيع فلارض جبد لابطوب ديالو وبدا لخدمة وكل مرة ملامحو يخسرو من لي وصل لمعلومة بتاسم:
<أخيرا شي حاجة>
طلات معاه أيسِل على شاشة وقرات اشنو كاتبين عليها من غير لمقدمة لعادية لي غير واجهة للمتطفلين، بقا شحال وهو كيجمع الرموز (les codes ) فلأخير عاد تحل ليه فين لقينا كتر بحال نماري تيليفون لإدارة وبلي مايمكنش دفع ليها هوما لي كيعزلو... ولحاجة لمهمة وهو دور الأكادمية لي هو...
《تخرج أنجال الخلية 》
<شفت فلولد لي بارك حدايا: أشنو هاد لخلية>
<شي حاجة خاااايبة هاد لغموض من لي كيكون فشي حاجة متعلقة بدارك ويب من لأحسن ماتعمقيش فيها>

جبدات 50 اورو من جيبها عطاتها ليه وقفات وخلاتو متوجهة للأقرب مقهى هاد لموضوع وجعها فراسها، شعرات بإحساس غريب فحال شي حد مراقبها كيشوف فيها من لي ظارت بانو ليها زوج بنفس لباس تابعينها....قلبها بدا كيضرب بسرعة ويديها تعرقو قالت بصوت شبه مسموع..
<لا لا لا ياربي مايكونش لقاني ياربي مايكونش خوه ياربييي>
لآخر مرة ضارت وفعلا بانو ليها تابعينها ومراقبينها مقدراتش تصبر بالخلعة لي فيها ركابيها خدمو من راسهم وبدات كتجري للوجهة مجهوولة

بس: ارائكم وانتقضاتكم بليييز وحتى توقعاتكم كيهموني بزااااف تفااااعلو ولي دازت تخلي شي تعليق كنحبكم 💋