الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيْسِل: 99

تحركات بكل بطء ومع دلك سمعها ونا١ وقف بالزربة وتوجه عندها:
<أيسِل كيبقيتي؟>
<فيا جوع بزااااف>
<اه وي راه حيد لك طبيب صيروم حيت بغاك تنضغي بوحدك وتاكلي، تشوفي واش عندك شي آلام أخرى...>
<احم ... كان قاليا طبيب بلي احم فقدت داكرة... واش بصح >
رجع راسو للور وضحك حتى تسمعو قهقهاته فلغرفة بأكملها:
<وكاتسولي فيا انا؟؟ ماتقتيش بالطبيب؟؟>
تزنكات وبانت عليها:
<احم لا غير هو فين ما كنفيق كنلاق بجنبي، إدن غاتكون قريب ليا غير ماعقلتش علك... سمح لي واللهما عرفت اشنو مشكل كنحس براسي فحال غانوصل لدكرياتي ونتفكر ولكن شي حاجة مبلوكياني... احم فينما كنتوتر كنهضر بزاف>

رافا قرب لوجهها وهز راسها لعينيه كيشوف فملامحها وتزنيكة:
<دابا بغيتيني نتيق بهاد لمسرحية؟ فقدتي داكرة وهاد التمتيلية؟؟!>
بعدات وجهها على لمساته وقرنت حجبانها:
<أشمن مسرحية ولا زمر (هزات يدها حطاتها على راسها فحال كتألم) اش بيني وبينك باش نمتل علك ولا زمر... عيط ليا على ماما ليلى تجي تديني من هاد لبلاصة>
<اش بينك وبيني؟؟ ماعاقلاش؟؟>
<ماكنضنش بيني وبينك شي حاجة.. مستحيل>
<علاش مستحيل؟؟>
<ماشي من نوع لي كيعجبني نكون فعلاقة، هاد لخطوط فلحمك وهاد لوشامات وتخرببق وفيك ريحة كارو ماكتحملهاش، وحتى أصدقائي كنعزلهم بعناية... مايمكنش صديق ديالي يقوليا كنمتل ولا مسرحية...>
<غانقولك علاش قلت لك هاد لهضرة، اولا انا وياك كنا على علاقة وقبل ماتكدبيتي هاهو الدليل>

جبد ليها فيديو ديالها بشعر لأخضر وكل جرأة متوجهة لعندو وبركات فوقو ودخلو فقبلة حميمية، حلات فمها باستغراب من جرئتها فلفيديو كتبان محترفة، عكس داخلهاةلي كان كلو كيرجف لخوف كبير، من لي جات لقبلة على شاشة لاحيت ليه تيليفون بزربة...

<لالا مايمكنش انا عمرني كنت بهاد الجرأة مايمكنش؟!!>
<وعلاش قلت لك مسرحية، حيت تخاصمنا نهار وقع لك لحادث فلابيسين.... باقة عاقلة على حبك للسباحة؟؟>

حتى هي عضات فالطعم لي لاح ليها، عرفاتو بدل لموضوع فآخر كلامه باش ماتسولوش علاش تخاصمو واشنو سبب:

<وي عمرني نسى السباحة من صغري وانا عزيزة عليا.. احم ولكن ديك قبلة غير كافية انها تكون دليل على علاقة، تقدر تكون لحضة طيش اي حاجة نتا ماشي من النوع ديالي>

عطاها تيلي تاني وهاد لمرة بفيديو من ليلة لي خدات لمخدر وعلاقتها لحميمية معاه، غمضات عينيها زضورات وجهها:

<باقة ماتأكدتيش؟؟ نزيدك عندي بزاااف هههه؟!!>
<احم... شحال وحنا فعلاقة>
<من نهار دخلتي اكادمية، كنضن علاقتنا كانت مكتوبة فالنجوم قبل ماتخطي خطوة فهاد لأكادمية!!>
<ههههه لوشام والرومنسية مجاتش معاك!!>
<ههه رومنسية غير معاك.. تاحد ماكيشوفها من غيرك.... انخرج نجيب لك ماتكلي ماتبقايش جيعانة..اوكي؟؟ ماتنعسيش وتسنايني>

خرج توجه للصالة لقا دراري باركين بزوج غير شافوه ووقفو:

<ق***** أخر ايامي نولي نتعنب.... (هز فاز كان غتيهرسو وغايبدا يفرغ الغضب لي الداخل، شدو من يدو نيك ونعت ليه فلباب لي خرج منو) ق**. لاوي لمرض تقح**.بين>

كريس تكرشخ بالضحك على حال صاحبو اما نيك حط لفاز ٥مكانه ورجع عندو:

<كضن فعلا فقدات الداكرة؟؟>
رافا: <ولا ممتلة بارعة>

كريس بتاسم: <من نهار السياسي الروسي لي متلات عليه نقدر نتيق اي حاجة على هاد لبنت.. حتى من شكون لي ضربها تقدر تكون خطتها>
نيك حرك راسو بمعنى لا:
<ماشي غبية لدرجة لموت، فعلا رجعناها من لموت داك نهار.. مايمكنش هادشي كامل حض وخططات ليه>
<واش انا ديال شي حب ولا ق*. لاوي>

كريس كيتزلع بالضحك:
<غانولي نعيط لك فالنتينو هههههه لهربة واللهتا هاد لبنت احسن حاجة وقعات فلاكادمية>

نخلو ورجع عينيه لنيك:
<لكاميرات مافيهم والو؟؟>
<صدفة غريبة وقع مشكل وتطفاو كلهم لمدة نص ساعة ولغريب فلأمر ماشي اول مرة تالت مرة كتوقع فنفس الشهر>
<كريس تحرك شوف بلان منين جاي>
<واش حنا عسكر ولا زمر، كود واحد لي دخل وبلوكا كلشي وقدر يتحكم فكلشي.... أنوير>