الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:93

قالت كلامها ونساحبات للكنبة الكبيرة لي جامعاهم بتلاتة وفيديهم اوراق رامي كيلعبو ومبتاسمين إلا شخص واحد.لي مرة مرة كيخطف نضرات ناحيتها متفاديا صاحبو لي تغير تعامله مع أيسِل ب 180°...
رافا جر عربة الاكل حتى لجنب سرير وضورها حتى ولات قدام أيسل، هز تيليكومند حداها قاد ليها سرير وطلعو حتى ولات باركة مقابلة مع لماكلة... شافت فيه بكل انزعاج:

<حل ليا يدي ليمنية نقدر ناكل بوحدي>
<نو نو طبيب قال مانتيقوش فيك لاتمشي تجيبي هروين وضربيه لراسك>
<راك نتا لي ضربتيه ليا لمرة لولة>
<غلطة وطلبت سماحة منك شحال من مرة>
<رافا؟!! اشنو لعبتك هاد لمرة؟؟ هاد التغير لي درتي كتصحبني غانتيق بيه؟؟>
<متوقع منك ماتيقيش دكشي علاش مع لوقت غادي تشوفي بعينيك وتبدلي نضرتك ليا>
<مايمكنش>
دخل كريس فحوارهم لي بصوت خافث وقال:
<كلشي ممكن وسط عائلة LaRocca>

بعد ماخنزر فصاحبو تمشى لعندهم وربع يديه مقابلهم:
<غير مبرزطينها وماكتخليوهاش ترتاح... سيرة تقراو قربو لحصص يبداو، مانضنش أيسِل توافق على إهمالكم لقراية هاد تلت يام بسبابها>
كريس لاح وراقو فوق طابلة:

<ولكن it's so much fun to stay here and watch you being all lovey dovey
ولكن هنا حسن بغيت نبقى نتغرج فك ونتا داير فيها لعاشق لولهان هههههه لهيبة مشااات مع دكشي>
<نخصي ز*** بوك باش تشوف لهيبة؟؟>
حط يدو على حجرو وبتاسم :
<لا اصحبي مزال بغيت يكون عندي شي سايكو صغير يشبه ليا my mini me>
فيكتوريا مبتاسمة قربات لهاد الثلاتي فهاد لأيام وفعلا عن قرب فحال اي تلاتة صحاب عفويين وضريفين...
<كريس لقيتي لأم بعدا ؟>
بتاسم ولاح يدو على كتفها:
<كاينة واخة بعيدة شوية ولكن مصيرها معايا>
لأول مرة بان لإهتمام علة عينين نيك وقال:
<بلا شك إيطاليا ياك؟؟>
<فااااك ماتقولش ليا ورقتيني؟؟>
<ماشي غير نتا لي عندك شدة الملاحضة!!>

رافا تعصب من تغييرهم للموضوع:
<Guys!!! Get the hell out and don't come back until I say so>
دراري خرجو **** وماترجعو تانقوليكم تقدرو ترجعو ياله براااا>

كلهم ناضو خارجين فيكي هي لأخيرة ضارت شاف فأيسل وغمزاتها، وخرجو قدام رافا لي شاد لباب وسدو موراهم، رجع رافا لعندها وهز معلقة عمرها شربة وقربها لفمها شافت فيه بغيض أنه كينتاهز لفرصة بكل الأشكال والطرق، تلت يام وهو مقابلها فحال درية صغيرة ولي قالتها كينفدها وسعى لراحتها...
عارفة هادي غير خطة مايمكنش يكون تأتر بخطتها وبقات فيه، واخة مكانتش ناوية تاخد اوفر دوز يعني دري لي عطاها لاضوز زايدة حيت هو لي دارها ليها فلابرة، من لي سمعات رافا قتلو مابغاتش تفهمها كتحاول تنسى بلي هي سباب موت شي حد ولكن فنفس لوقت كانو غايقتلوها..
ولكن ألاعيبو ماغادوزش عليها، كون كان قلبو كيتحرك كان غايشفق على ناس كتيرة قبل منها علاش هي بالضبط...هزات عينيها فيه

<علاش كدير هادشي؟؟ غير قول ربما نساعدك بلا ما تمتل عليا>
<مامحتاج منك والو باش نافقك.. كلشي عندي>