الفوهرر

🪦الفوهرر🪦

بقلمي: أريا ستارك

⚰الموسم الأول:من دم إلى تراب⚰

أيسِل:57

خلاتهم وطلعات فدروج لسطح اليخت وقفات مقابلة نجوم، احساس لوحدة رجع تاني ومعاه تحرك برد خفيف كيعكس برود مشاعرها...
عقلها رجع بتفكير للشخص لي جابها لهنا، شخصيتو الغريبة الغامضة مثيرة للإهتمام والإعجاب، ولكن من لي تقدر تكون حياتك فخطر من صعب علك تكني لإعجاب لي يقدر يتحول لشي حاجة أخرى...

<ليلة رائعة لمشاهدة النجوم ... تشوكوزال>

صوت خشن خرجها من أفكارها ولكن ما ضارتش موراها تشوف شكون... فهمات الكلمات لمعروفين بالتركية ولكن هادي وحدة من اللغات لي مريم كانت ضد انها تعلمها...

<أتفق ليلة جميلة صافية...ساهل تراقب فيها النجوم>
<أشنو لي خلاك تخلي مرح لحفل وتجي هنا؟؟>

ضارت شافت فشخص لي وراها فاواخر ربعينات ولا أوائل خمسينات من عمرو شعر ابيض ممزوج بلأسود، ابتسامة كانت مرسومة على وجهو ولكن من لي لمح وجه لبنت لي واقفة قدامو...تحولو ملامحو للحيرة وإستفهام وسريعا ما ولا غضب..قبل ماتجاوبو زاد خطوة مقرب ليها...

<شكون نتي وأش كديري هنا؟؟>
شافت فيه باستغراب علاش تحول هاكة؟!! رجعات خطوة لور وهزات راسها فيه كتحاول تبتاسم واخة تخنزيرة ديالو رعباتها...

<احم كنقرا فأنجيليس فحالي فحال طلاب لتحت..جيت للحفل ونتا شكون؟؟>

صوت رافا قاطع جواب شخص لي قدامها:
<كنقدم لك لأب ديالي أنويير لاروكا.. تلاقيتو قبل لوقت ولكن ماكيهمش>
أنوير معصب ضار عند ولدو عينيه كلهم غضب:
<هادشي نتا لي مخطط ليه بلا شك... نتا لي خديتي صورة من بيرو ديالي؟؟>

ايسل بلا ماتشعر براسها توترها خلا رجليها تديها وتوقف من ورا رافا:
احم مالو لأب ديالك؟؟
عينيه لي كانو مركزين مع لأب ديالو، تحولو ليها وهاد لمرة للغضب ولأعصاب باينة على ملامحو:
هبطي لتحت بقاي مع كريس ونيك هاني جاي
(لاحظ ترددها زاد خنزر وصوتو قصاح) دااابة أيسِل دااابة

سرعات خطواتها وكلها غضب كتحاول تفهم اشنو قال أنويير وأشنو كيقصد بصورة وديالمن هاد صورة عقلها بغا يخرج من بلاصتو.. سرعان مالقات ثنائي لي بلفعل كانو كيقلبو عليها....
نيك بكل عصبية:
< قولي ليا باغة تموتي دغيا؟؟ علاش كتقلبي على صداع؟؟ علاش طالعة لتم بوحدك؟؟>
كريس بابتسامتو لمريضة قرب ليها وحط دراعو على عنقها:

<لا تحزني على رحيل الحياة ولكن خاصك تحتافلي بأوقات ولإنجازات لي درتي... حسبي شحال من مرة ضحكتي وضحكو معاك أرواح اخرى.. الموت ليس إلا نهاية فصل في الحياة، تقدر ماتكونش نهاية وإنما بداية لحياة أبدية... فحقيقة غانكدب لا قلت غانتوحشك وإنما غانطلبك نكون انا خَلاَصك من هاد الحياة>

عينيها كيرمشو وهي مافاهمة تاكلمة خارجة من فمو، شخصية مريضة غريبة كل همو القتل او كل حاجة متعلقة بالموت:
<اش كيقول هادا؟؟ (ضارت عند نيك) ونتا مالك اشنو كيهمك؟؟ إلا فعلا مت ولا لا نتا بضبط اشنو غايضرك؟؟>
<اوكي باغة تموتي نعاونك دابة نيت؟؟ >