أسماني ابي ريحانه

4

صباح الخير جميعا 💐 ورداتي

رجعت وياكم بلحلقه ال4 من اسماني ابي ريحانه

بقلم اختكم دموع البحر ..🦋🦋🦋

نبتدي باسم الله 💕💕💕

ضليت محتاره بامجد شبيه وشغيره فجاءه ممكن غار عليه من اسلام
الله شكد حلو الي يحب وحبيبها يغار عليها بقيت عايشه بحلمي الوردي الي رمسته لروحي بيني وبين نفسي
اشوف امجد يحبني ويغار عليه حتى من اخوه فدوه لطوله
مرت ايامي عاديه بين البيت والجهال وماما الي زادت مشاكلها ويه حبيب الي يطب ويطلع يصيح ويعيط
وماما تجي عليه حايط نصيص اني تذب الصوج بيه كله منج ولو مو انتي وووو عادي تعلمت عله هل حجي صارله سنين
وبيوم جاي نصب غده خليت الاكل علميز بما انو قليلين ناكل علميز ماما اشترته النا هيه مبيها حيل من الحمل وامي هم ما بيها تكعد بلكاع فنكعد علميز وود عندي اوكلها وجود بحضن ماما وحبيب كاعد يم ماما بس على اعصابهم والجو مشحون بينهم مبين ما اعرف شون حرك جود الماعون او الخاشوكه مجنت منتبها عليهم وتبدت المركه على حبيب جان يكوم بعصبيه ويعيط : طاح حظج لج سويتيييي
سميه بعصبيه : شبيييييك هذا جود مو انيييييي

حبيب : مو بيدج شبيج عميه هوووو ؟؟؟

سميه : حبيب لا تصيح طفل جاهل وما يقصد هسه بدل ملابسك واغسلهن لا تسويها قضيه

حبيب : اي حقججج مو مهم عندج اهممم شي جهاااالج ومحتاره تحبلييين وتجيييبين

سميه وهيه توكف وتذب جود من حضنها : شنو هل حجي شنو جهالج وشنو احبل واجيب ليش جايبتهم من الشارععععع مو جهالج

حبيب وهو يصيح : اهووووو شووون عيشه هااااي لا تطاااااق

امي من سمعت حجيهم صاحت صاحت محد اخذ كلمه خلت ودخلت لغرفتها اخذت الجهال ودخلتهم يمها وطلعت الم الميز هو راح يغسل وماما كعدت وخلت اديها على راسها
جاي الم الميز وجان يطلع من المطبخ وصاح : جيبيلي سمممم

كلت بصوت ناصي : عساك

دار وجها عليه وبخزره صاح : شكلتي ولججججج

كلت واني اباوعله برود : موووو موياك

كال : شوفي ولج خاف عبالج معبرج جسارتج عليه تره بمزاجي تره والله افصمج فصم افتهمتي لو لا

باوعتله ورفعتله حاجبي : لاااا والله ..

كال : اي ويالله روحي جيبي جاي ما نريد زقنبوت

كلت واني ادخل المطبخ : مو خدامه الخلفوك اني

ما احس اله انجريت من تشيرتي ونركعت راشدي وكعت المواعين بلكاع وصيحه ماما عليه : كسرررر بيدك كون