أسماني ابي ريحانه

الاخير ه

صباح الخير جميعا 💐 ورداتي ورمضان كريم عليكم وكل عام وانتم بخير

رجعت وياكم بلحلقه الاخيره  من اسماني ابي ريحانه

بقلم اختكم ام شبر  ..🦋🦋🦋

نبتدي باسم الله 💕💕💕

🌺🌺🌺🌺🌺🌺

وكع من ايدي الكوب بلسنك ودرت وجهي عليه متعجبه كلامه
: شنوووو

يباوعلي وعيونه تنتقل من عيني الايسره لليمنه : شنوو

بلعت ريك : الي حجيته اسلام

:اي تدري ٨بيـــــ..... وقطع كلامه من سمعنا صوت عمه

تكول: وينج ريحانه

عفت البيدي ورحت واني مصدومه شنو كايل الها عزا بس لا كايل احبها والله ما عندي اي شي اتجاهه دخلت للحمام و نشفت عمه ولبستها وخليتها بكرسيها وبالي يم كلام اسلام بس ولا يوم حسستني بشي نهى اعرفها بت اوادم وحبابه وطيوبه ما جابتلي طاري ولا نظرتلي نظره مو حلوه
عكس فاتن تماماًاًاًاً الي ما جانت تطيق تسمع اسمي
خلصت عمه ومشطت ولبست الها جواريبها وجهزت ملابسها الي تاخذهم وياها وطلعتها للصاله شفت اسلام كاعد شاف امه ابتسم: سبح العافيه يا غاليه

: يعافيك بعد كلبي

: يالله اوديج واروح للاسواق هسه الولد وحدهم خطيه

باوعتله وردت احجي بس ما كدرت من عمه

اخذ عمه وصعدها بلسياره ورجع اخذ مني ملابسها كتله بهمس: اسلام

باوعلي وكال بهمس هم: هممم

بلعت ريك ودنكت

: كولي محتاجه شي

باوعت عليه: اريد احجي وياك شوكت ترجع

طبك حاجبه وكال بستغراب : بيتنا !!!!! وحدنا صعبه ؟امي ماكو

: ماكو شي تعال النا للبيت بس كم حجايه

: اشوف ... راح اقفل الباب

هزيت راسي : ميخالف ...

باوعلي وابتسم وسد الباب وراح
دخلت البيت واخذت ملابس عمه ولملمت البيت ورجعت لبيتنا وكلت لماما عمه راحت لاسو وكالت خليها تغير جو

كملت شغلي بال مشغول بكلام اسلام يا الله شكايل لنهى ..عزااا بس لا كايل الها احب ريحانه ..بس هيه ولا مره بينت الي او ضاجت مني ..ااااخ يا اسلام تحط سالفه بالي وتخليني ادوخ بزماني

دخلت سبحت بسرعه وطلعت صليت وتالي تغدينا ورحت حطيت راسي على المخده ولئن ما نايمه بليل والتفكير غفيت بسرعه

حلم يتبع حلم وخبصه مو احلام داخله معارك طاحنه فزيت مرعوبه الغرفه حاره وعركانه استغفرت ربي وكمت رفعت الموبايل الساعه ٦ اله ربع اااخ شنو هاي ليش لهسه مخليني نايمه