صباح الخير ورداتي 💐
اسفه لئن هل فتره حيل مقصره وياكم وما جاي انزل الكم بارتات بس ظروفي اقوه مني اتمنى تعذروني
رغم المي من العمليه المفاجأءه الي طلعتلي كتبت الكم هذا البارت واتمنى يكون عد حسن ظنكم
اعذروني لئن النفسيه زفت وكوه كدرت اطلع الكم هذا البارت اختصرت هواي لئن عن جد تعبانه جاي احاول اسرع الاحداث علمود نختمها وارتاح وانتو هم ترتاحون من التأخير الي جاي يصير اتمنى تعذروني مره لاخ
البارت كتبته بدون ما ارجع اصحح عليه
نبدي بأسم الله ونكول اهلا بكم بلحلقه 44 من اسماني ابي ريحانه
نبدي
☘☘☘☘☘
الم تعدني بأنك ستكون لي كل شي
الم تعدني بأنك ستحقق لي كل شي
الم تتعهد بأنك لن تجعلي ابكي وانا معك
فها انا انتظر وعد لي
صرخات الم ووجع وخيبه وفقد صرخات طلعت مني بصوت شبه تصاعدي بلبدايه بصوت هامس مخنوك من العبره لكن بعد ما سمعت هذي الجمله صرخت بصوت موجوع :ايهممممممممممممم
هيه صرخه وهيه انفجار داخلي خلاني انازع الروح
انفتحت الباب ودخلت اسو بسرعه ووراها ماما وخاله ام كرار
دخلن مصدومات وركضت اسو تحاول ترفعني من الارض بس متكدر بسبب لويتي ووجعي باوعت لخاله وصحت : ايهمممممم ولج خالللللله ايهمممممم
اجت رفعتني هيه وماما وكالت : ولج يمه شبيج ليش هيج حالج
سمعت شهكت ماما : هاااااااا صخام ولج جاي تنزفين صخاممممممم
جان على لساني بس : ايهم
ما بيه احجي الوجع قاتل مدمر بضهري ونهايه بطني واسفل جسمي احس بشي يريد يطلع مني بس الوجع قليل مقارنتآ بلي سمعته ...لا تشيلونه خلي تجي الاسعاف
ما اعرف شون صرت بسياره لؤي ويمي ماما وخاله واسو الي تبجي على حالي واني اصرخ : اااااااه ...ربييييي
سميه : يمه هسه نوصل ها اها هاي المستشفى
:ولج ماما ايهمممم
ام كرار: هسه نخابره يمه هسه يجيج بطاااا يمه سوده بوجهي ربي لا تفجعهم مره ثانيه ربيييي فدواتكككك
اعض بيدي حيلللل واني اريد اكول ايهم راح بس المي قوي يخليني اسكت
اسو
نزلنا من السياره بسرعه ركضت باب المستشفى حاطين كراسي متحركه اخذت واحد وطلعت بيه واجت العامله تركض ورايه : وين وين رايحه بلكرسي
جاوبتها وانا اركض بلكرسي : اختي ..اختيييي راح تموت
خلينا ريحانه على الكرسي ودخلنا لصاله الولاده اخذوها منا ودخلو شويه اجت الدكتوره تمشي على كيف وكفت خاله كدامها : فدوه دكتوره بنتي بعدها ما داخله سادس وراح تموت
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
