أسماني ابي ريحانه

3

صباح الخير جميعا 💐 ورداتي

وجمعه مباركه عليكم ❤️

رجعت وياكم بلحلقه ال3 من اسماني ابي ريحانه

بقلم اختكم دموع البحر ..🦋🦋🦋

نبتدي باسم الله 💕💕💕

وكف كدامي وكال : اوكفي احاجيج

نزلت راسي وكلت بخوف : ش شتريد مني ؟؟

كال: ريحانه ...ليش من شفتيني يم فاتن كلتي امي تصيحلي ؟

باوعتله شفته يباوعلي ومنتظر الرد كلت بخوف : هااا ...هيه صاحت عليك بعدين سكتت

باوعلي وصغر عيونه وكانو حس بيه دا اكذب كال :ريحانه ما اريـ,ـ....

جان يقاطعه صوت ابوه وهو يصيح : امجدددد وين رحتتتت

صاح : جاااااي يابه جااااي

اني عفته وركضت للهول بخوف يمه يخوف شون يباوعلي بس ميخالف احبه

بيومها ابد ما صرت وحدي اخاف يرزلني او شوف شيحجي لحد ما رجعنا للبيت

ومرت الايام وراحت هل سالفه وامجد هم نساها وكل ما يجينا اضل صافنه بيه وين ميروح اباوعله واشوفه هو هم يباوعلي بس نظراته ما اعرفها شنو هو هسه صار عمره 29 هو خريج قانون بس ماكو تعيين اشتغل بكلشي لحد ما اشتغل بسوبر ماركت ويه عمه ابو فاتن بدت مشاعري تكون اقوه وسيطرت عليه احبه وبديت اتعلق بيه هواي خاصتا من سمعت بيه يشبه بابا جعفر الله يرحمه حبيته اكثر من يجينا احاول اطلع اي حجه علمود احاجيه او اطلب منه يدرسني فد ماده ما فاهمتها رغم اعرف بس هيج علمود احس هو قريب عليه

اعرف تصرفي غلط بس مراهقه ما اسمع الكلمه تولدت عندي هاي الحاله مالت العناد وعدم سماع الكلام من يوم زواج ماما سميه حسيت صرت غير احس صرت عدوانيه وعنوديه يعني الي يجيني منا ارح مناك هيج حتى لو ادري بيه غلط بس المهم ما امشي كلمه عليه وجنت متمسكه بامجد حيل بس ما اعرف ليش هيج حبيته ربما لشبه بابا او لان اني بنيه وهذي مشاعري عاديه

حبي لامجد يوم عن يوم يكبر كمت اتخبل اذا ما يجينا ومن اروح الهم اظل ورا افتر واذا جانت صدفه يجون بيت عمه اهل فاتن وهيه وياهم اتخبل همه بيتهم قريب عليهم ولهذا دائما تجي يم عمه اميمه تساعدها

من اشوفها تباوعله وتبتسم اظل اكل بنفسي هيه اكبر مني واحلى بس مجاي اقنع اظل اعاند واريده اكثر خاصتا من اشوفه يبادلها النظره ما اعرف شنو يصيرلي من ارجع للبيت ابقه يوم يومين مريضه

وبيوم جنت ادرس بلغرفه وعمه اميمه عدنا علمود امي ام جعفر خطيه مريضه واني امتحانات وماما محتاره بلجهال وهم مريضه كلسه وتوكع وتضل تذب من راسها مليت من الكتاب طلعت للمطبخ اخذلي فد تفاحه واسمع ماما تكول لعمه : وج شون اميمه اني هذول وموتيني ومنا حبيب وروحاته الكثرت لديالى لعرس ابنه ومنا امي ومرضها حتى ريحانه سوده عليه هملتها ...