صباح الخير جميعا 💐 ورداتي
رجعت وياكم بلحلقه ال18 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
وسيأتي يوما تدمع اعيني فرحتا "
كاعده وكلي خجل احس بوجهي راح ينفجر
ماما كاعده يمي والنسوان كدامي يضحكن ويسولفن ويه ماما
جان وحده منهن تكول : اي خيه احنا اجينا لهل حلوه لابنا ولد شاب والنعم منه يتيم ما عنده احد اهله راحولج فدوه وضل هو وحيد وضل عد خواله انا خالته الجبيره وحسبه امه وهاي خالته الصغيره الي طول الكعده تباوعلي وتبتسم وعينها بلتلفون وهاي مرت خاله والولد انتو شايفينه وما عليه عتب وراغب البنيه ويكول لو هل مركب لو ما اركب
خجلت من هل مثل وخشيت بهدومي خليت وترخصت رحت لغرفتي وسديت الباب وكلني ارجف سمعت صوت هزاز التلفون اخذته وشفت داز رسائل
ها حبي وصلو اهلي .....
وج خالتي تكول منين لكيتها هاي راح تموع من الخجل ....
ولج وين رحتي ....
ريحانه اريد جواب يبرد كلبي لا توكف امج الي عثره
ضحكت وكتبت اله .....لا تخاف اذا الله كاتب النا حياة سوه محد يكدر يخرب علينا ...اطمأنہ
وسديت التلفون وضليت كاعده على نار
تقريبا بلنص ساعه جان تجي ود : ريانه ماما تصيحج
كمت واني رجل تخط برجل من الخوف والخجل اخاف يرفضون
شافتني ماما وابتسمت دنكت وكعدت يمها
كالت : ميحتاج احجي كدامج صار الحجي ويمكن عندج علم مسبق بجيتهم
رفعت راسي : لا والله ماما ما ادري اليوم راح يجون
ضحكت وكالت : اذا اكو من كايلج راح يجون
ضحكت وكلت : اي ماما ايهم كلي راح ادز اهلي
كالت : مراح اصيح او اخبص الدنيا واكلج وين عرفتيه او صارلج شكد... تربيتي واعرفج ...بس مو لازم اعرف اذا اكو شي صاير
كلت : ماما والله ماكو شي من الي بالج القصه وما بيها الولد معجب بيه صارله فتره وقبل مده كال اذا ادز اهلي توافقين ما اجذب عليج واكولج ماكو شي ناحيته اني هم ملت اله شاب وحباب وخلوق وصارلي سنين وياه مشفنه منه شي مو زين صوته مينسمع جذبتي اخلاقه ومواقفه وياي هوايه ساعدني اكثر من مره صارحني قبل فتره وكال اني احبج ورايدج رفضت بلبدايه لئن مجنت رايده ارتبط باي شخص وتالي حسيت اني اميل اله رجع حاجاني وكال راح ادز اهلي وهاي كدامج ما جذب ولا لعب بمشاعري
سميه : المهم يمه الولد اهل ابوه من الغربيه وخواله منا يتيم وما عنده احد وعايش ويه خواله
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
