صباح الخير جميعا 💐 ورداتي
رجعت وياكم بلحلقه ال2 1من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
كاعده علمصطبه وبيدي الملزمه اقره بيها ومندمجه اني وحلا وفجاه غيمت الدنيا علينا رفعت راسي اني وحلا نفس الحركه واشوف شاب واكف ايده بجيوبه وابتسامه مرسومه بوجها كال: السلام عليكم
حلا وكفت وكالت ببتسامه : وعليكم السلام
باوعت لحلا الي فهت كدامه نزلت نظاراتي الي جنت لابستهن على عيوني وتركت الملازم ووكفت وكلت : تفضل اخي
الشاب : اسف على الازعاج بس ردت اسأل قسم العلوم وين
باوعت عليه بنظره واني ممصدكه كلامه وكلت : احنا قسم انكليزي ...مناك قسم العلوم
الشاب : انتو جدد
حلا ببتسامه : اي سنه اولى
باوعت عليها وكلت : هييي شكووو
باوعتلي بستغراب وكالت : اجاوبه
باوعتله وكلت : اخي اتوقع انته مو جديد هنا وتعرف الاقسام ماكو داعي تفوت بهيج متاهات
الشاب : اني ما وجهت الج الكلام الج اختي سألت البنيه
ريحانه : احنا سوه كاعدين ومن سالت ما حددت منو منا
حلا بخجل : يالله مصار شي
الشاب : اعتذر اختي ازعجتكم بس اني مو منا وجاي اسأل عن بت عمي بقسم العلوم وشفتكم كدامي اعتذر مره لاخ
خله وراح رجعت كعدت ولزمت الملزمه وكعدت يمي حلا وكالت : شنو هاي ريحانه ولج ولا عرفتج شون تحجين تهجمتي علولد بس سأل
ريحانه : جذاب وعينه طالعه شنو صغير لو اول سنه اصلا جبير ومو مال مرحله ثانيه تلكينه فد واحد من هذول ليجون يفترون وره البنات
حلا : خرب غيرتج ولج انتي تغيرتي جذريا من يوم خطوبه ام...
قاطعتها بسرعه وكلت : حلاااااا
باوعتلي وكالت : والله ريحانه منتبها لروحج لو لا
كلت : حلا تره هذا الولد صارله فتره منتبها عليه مو اول مره يعني مو جاي يسأل على القسم لو يريد يعرف القسم اكو قطعه مكتوبه جبيره تحدد كل قسم
واذا جاي على بت عمه مثل ميكول جان راح للاداره ويعرف بس هذا جاي عليج
حلا بصدمه : شنووووووووو عليه
ريحانه : اي عليج شفتي ابتسامته وعينه الي جانت عليج
حلا بخجل : لا عفيه ريحانه لا تكولين هذا الحلويات يباوعلي
ضحكت عليها وكلت : دكومي كومي نلحك علمحاضره راح تبدي
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
