صباح الخير جميعا 💐 ورداتي
رجعت وياكم بلحلقه ال29 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
🥀🥀🥀🥀🥀🥀
بين كل ساعه وساعه... اكو ساعه فرج... ساعه فرح... ساعه استجابه لدعاء دعيته بساعه مغربيه بساعه هم وغم ....داخلك دعاء دعيته وتمنيته ...وياما سهرت الليل دموعي على خدي اناجي رب العالمين واطلب منه هل طلب ...
بابا .....ماما ...والصحةوطوله العمر الهم ويگر عينهم بكومه امجد ورجعته مثل الاول ...
امجد ...اااااااااخ يا امجد ..كسره ظهرنا ...هم ارجع اشوفه يمشي ويصيح ويخبص البيت بطلباته هم يرجع لبيته وجهاله الي يكسرون الگلب وهمه يسألون عنه ...
اسلام... اسلام ...الگلب الطيب ...والابن البار ...الاخ الحنون ...الي ميشيل بگلبه على احد نسه كولشي جان شايله على امجد وصار السند الي ينسند عليه وكولشي هو بيده يسويه ...
حتى فاتن ...ادعيلها ...ربي اجبر كسره گلبها ورجع الها زوجها وراعي بيتها ...رغم الي صار بقى حبها مثل ما هو اشوفها عيونها دوم حمر ودوم شهتكتها وكت الصلاه تذبح وهيه تدعيله ...
اخر شي ارفع راسي ودمعتي تصير حاره ..حاره حيلللللل تجوي خدي من اكول : ربي تعاقبت على شي مو انا السبب بيه وانته تعلم بكولشي ...ربي اذا جنت ظالمه فارشدني للطريق الصحيح ..واذا جنت مظلومه ارشده على الطريق الصحيح ...
واكفه باب المطبخ وافرك باصابيع ايدي حسيتهم راح يتكسرون شويه اطكطك بيهم شويه اكل بيهم وانا اسمع الحديث الي جاي يدور بين بابا ولؤي واحمد حمايه بابا اعصابه منهاره بسبب اوضاع امجد واجه لؤي صارت بوجهه ضل يصيح ويعيط عليه ....
خفت ...اي خفت لا تتأزم الامور وتصير اكثر من هل شيء بس احمد جان جدا لبق ولسانه حلو كدر يخفف غضب بابا وكله.
احمد : عمي احنا جايين نهدي النفوس مو نعصب من بعض.
بابا : احمد تره الي سواه لؤي عيب عافها صارلها شكد لا سأل لا كال يجي يشوف امجد ويروح ما كال مرتي اشوفها احجي وياها ...
احمد : وياك عمي وكلامك عين العقل ...بس تدري بيهم زعل حبايب وانا جان عندي انذار وما كدرت انزل طول هل فتره ولا ما اخليها تبات ليله وحده اذا مو بغرفتها وبيتها يم رجلها ...بس يا عمي هم اسامه عدها غلط ما لازم تقلل من قيمه زوجها كدام اهله
بابا: شوف احمد انا ما اريد انحاز لطرف علمود ما تكولون هااااا ابوها وابوهاا ...بس يا ابني تكلك سمعتن يحجن ومن حاجته هو صدكهم وما صدقها صح اخته وبت عمه بس هيه هم زوجته
لؤي : عمي من رخصتك تره اسامه تهمتني عندي شي ويه بت عمي وانا والله العظيم ...والله العظيم ما عندي اي شي وياها غير بت عم واخت لا اكثر ولا اقل
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
