أسماني ابي ريحانه

43

اننا نؤمن بأن الموت حق
لكن الفراق صعب ولا يمكننا تحمله ......💔🌺

السلام عليكم حبيباتي اسفه لئن صارلي فتره طويله كاطعه بيكم وما نزله بارت بس جانت حالتي جدا تعبانه ولحد هسه لئن بابا جدا قريب الي واكثر من صديق فلهذا حيل اتأثرت ببعده واتمنى ان تعذروني

((((ملاحظه بسبب كميه الحزن ولالم بهذا البارت خلتني اكتبه وامسحه اكثر من ٥ مرات وبسبب حالتي هم النفسيه صار عباره عن بارت مؤلم جداااااا ...الى ان قررت اختصر الي صار وحولتها الى حدث صغير وانتو اكيد راح تفتهمون على هل كم كلمه لئن من سمعت بلحادثه دخلت بحاله حزن شديده لايام وهم صادف ظروفي فلهذا حاولت قدر الامكان اطلع سلبيتي من البارت لئن انتو مالكم ذنب بعيش اوجاع مؤلمه بسببي وشكرا لتفهمكم ))))

صباح الخير جميعا 💐 ورداتي

رجعت وياكم بلحلقه ال43 من اسماني ابي ريحانه

بقلم اختكم ام شبر  ..🦋🦋🦋

نبتدي باسم الله 💕💕💕

.............

قد لا نشعر باوجاع غيرنا لكننا نعلم بأنه موجوع 😞🥀
~~~~~~~~~~~~~~~~~~~~~~~~~~~~~~~~~~~~~~

كلنا واكفين مكابلين غرفه الانعاش الي داخلها عمه اميمه بعد ما ضربتها الجلطه الثانيه
بسبب قرار اسلام الي جان متقوقع على نفسه من ٥ اشهر بعد خسارته الجبيره
وقراره بلبعد الى ابعد الحدود محاول الابتعاد عن حزنه وكسرته
ماما وعمو حبيب جانو يلوموه واني حاضنه اسو الي موته نفسها من البجي وحالتي ما تفرق عن حالتها

سميه : اسلام اصحه لنفسك لا تخسر امك هم يمه هيه شضل عدها غيرك البيت فرغ عليها واولاد اخوك محد الهم غيرك

اسلام بكسره وصوته كوه يطلع من العبره : خاله انه تعبت انتم ما تحسون بيه البيت ما اريده بعد مختنك ولا لافيني نوم

حبيب : ابني الله يساعدك خسارتك جبيره وكلنا وياك بس امك خطيه واخيتك هم انته سندها

درت وجهي اله : اسلام لا تعوف عمه والله تموت هاي عود بس كلت الها اريد اسافر ظربتها جلطه ثانيه بسفرتك تروح منه وتلحك الراحو

بجه وكال : جا وانه الميت محد حاس بيه ولكم صريخ جهالي ومرتي بعده بذني وريحه لحمهم بخشمي

اسو : وانته شبيدك اسلام طبيت بنص النار ونقذتهم بس امر الله رجع امانته اله هل فكدنا اخونا وابونه وكلنه الحمد لله لا تظعف خويه فدوه اروح لطولك مالي غيركم انته وامي فدوه ضلو يمي لا ترحون هم

حضنتها واني استغفر الله وابجي واذكر ذاك اليوم يوم خابرتني اسو من الصبح تصرخ

رحت الهم بطرك ملابس البيت بس لفيت على نفسي عبايه
وصلنا لبيت عمه ونشوف الدخان تارس البيت والعالم ملتمه واسو وامي باب البيت  يصرخن عمه اميمه سايحه روحها على كرسيها المتحرك والعالم تبجي وناس تلطم ملتمين باب البيت ما يكدرون يفوتون للبيت