أسماني ابي ريحانه

41

صباح الخير جميعا 💐 ورداتي ..

رجعت وياكم بلحلقه ال41 من اسماني ابي ريحانه

بقلم اختكم ام شبر ..🦋🦋🦋

نبتدي باسم الله 💕💕💕

(ملاحظه صغيرونه بنات هذا البارت راح يكون لقاء مصيري بين ايهم وريحانه )
.............🌺

رفعت راسي واسلام وكف عدل اندارت عينا على مصدر الصوت ايهم واكف كدامنا ومخلي ايد على بنيد السياره والثانيه بجيبه

خازرني وعيونه تريد تطلع من مكانهن تقرب وضرب بنيد السياره : كملو ...كملو ...

باوعتله وبلعت ريك : ايهم ..!!!

تقرب وصار كدام اسلام ورفع راسه لاسلام لئه اطول منه ..

اسلام : وعليكم والسلام ..

باوعله ايهم ورجع باوع عليه : اسف خربت عليكم جنتو تسولفون

اسلام خلى ايدى على كتفى وكله : بلا كلام فاضي ..واحجي عدل ..

دفع ايهم ايد اسلام وباوعلي وكال : ظاله تطلعين وتطبين بكيفج ريحانه خانم

: خيرررر تحجي وياي ؟؟؟

: لا ويه ابوي بكبره ....

اسلام : ايهم تره ماله داعي هل كلام جاي تشوف واكفين كدام مكتبه وبيدنا اوراق يعني اكيد عدنا شغل

باوعله : والشغل ما يحله اله بكعده الصدر والضحك

فتحت باب السياره اريد انزل سد الباب اسلام وهو يحجي : واتوقع هل شي ميخصك

خزره وكال : شنو ميخصني تره هاي مرتي

فتحت الباب دافعه ايد اسلام ونزلت وكفت كدامه : لا طليقتك ويا ريت تطلكني محكمه

: اي علمود براحتج تظلين تفترين

: هل شي ميخصك

: ما شاء الله ملقنج عدل الاخ ...

اسلام : احترم نفسك ايهم مهما يكون انا اكبر منك ولا اريد اتجاوز عليك انته هم بيوم جنت نسيبنا

: نسيبك ؟؟؟..

: اي ريحانه بت خالنا ....واختنا وما نقبل على اهانتها عندك حجي غير هل كلام الفاضي تفضل نحجيه بمكان مو بنص الشارع تريد تتعارك ما عندي مانع

كلت من شفت الاجواه انشحنت بينهم : اسلام خلي نرجع

باوعلي ايهم وصفن عليه

دار اسلام يصعد بلصدر واني فتحت الباب اريد ادخل جرني من ايدي

درت عليه ساحبه ايدي منه : ايديييي لا تلزمها مره ثانيه