صباح الخير جميعا 💐 ورداتي
رجعت وياكم بلحلقه ال2 من اسماني ابي ريحانه
بقلم اختكم دموع البحر ..🦋🦋🦋 ام شبر
نبتدي باسم الله 💕💕💕
عدت ايام ورجعو خبر للرجال بلموافقه بعد ما الكل اقتنع بيه اله اني ابد ما كنت مقتنعه ولا حبيت هل شخص لئنه اخذ مني امي الي ربتني وفتحت عيني وهيه المسؤوله عليه طول عمري وبدت التجهيزات بلخطوبه وعقد القران واني ابد مكنت فرحانه عكس الكل تمامأ ذبيت كل جهدي بلدراسه ثالث وبكلوريا صعبه فاخذ مني الكتاب حقه وزايد
بين ما كانو يشترون النيشان كنت انشغل بدراسه والكتابه
وهمه محتارين بلفستان الي تلبسه بلعقد منو الي تخليلها مكياج لئن جانت رافضه تروح للصالون
جابو الذهب والملابس واني ولا همني ولا شفت شي واصلا محجيت ويه ماما من ذاك اليوم كلما تدخل للغرفه اطلع منها ونقلت نومتي يم امي ام جعفر
وبيوم الخطوبه سووها سوه خطوبه وعقد قران رحت للمدرسه واني مدري شنو بيه احس بكئابه مو طبيعيه وما اتمنى اليوم يخلص ابد اتمنى يطلعونا 8 بليل لحد متخلص المهزله الي بلبيت راسي مدمرني وجع ودايخه والي زاد هو امتحان رياضيات خليت الورقه كدامي وخليت ايدي على خدي ومنتجيه واليد الثانيه بيها القلم ومخليته بحلقي وبالي مو يم الامتحان ابد بس حاولت احل كتبت وخلصت سلمت الورقه وطلعت للساحه كعدت والخنكه اجتاحتني خليت ايده على وجهي وبديت ابجي شويه وجان اسمع صوت صديقتي حلا وهيه تخلي ايدها على ضهري : ريحانه ...شبيج يعمري
كلت واني ابجي :ما بيه شي حلا ....
كالت :شنو مبيج شي ريحانه شنو ما دارسه عدل حليتي غلط
باوعت الها وكلت :لا حليت صح
كالت : لعد شنو هل بجي يا حبيبتي شبيج
وكانها ذكرتني من جديد رجعت ابجي خليت راسي عل جتفها وبجيت بحركه هل مره وكانها ذكرتني
ضلت تمسح على ظهري بقيت شويه بعدين كلت الها : حلا ممكن اروح وياج للبيت
باوعتلي وكالت بفهاوه :اي حبيبتي عادي
خلصت المدرسه ورحت ويه حلا للبيت واستقبلتني امها جانت مره حبابه حيل وتعرفنا من سنين حكم صداقتي ويه حلا من الصف الاول ابتدائي لهسه كعدنا وسوالف وسلام وباوع علساعه صارت 1ونص واني كلبي كام يلوب اخاف هسه يستفقدوني ما منطيه علم لاحد راح اجي يم حلا بقيت محتاره وقلقه
باوعتلي ام حلا وكالت : ريحانه اهلج يعرفون انتي هنا
باوعت الها وزاد توتري وكلت : ها ....لا خاله ميدرون
هزت راسها وكامت شويه وصاحت حلا راحت شويه هم واجتي كعدت يمي وكالت: ريحانه ماما انتي شبيج متضاقه من شي صاير فد شي عدكم
دنكت راسي وطاحت دموعي : ماما راح تتزوج ...وبجيت
خلت ايدها علي راسي وكالت : ماما ريحانه انتي كبرتي وامج من حقها تشوف حياتها
كلت بعبره :واني ....اني ليش مو من حقي امي تبقه يمي
كالت :ريحانه احنه عشره عمر واعرف بسميه عمتج وضيعت شبابها لخاطرج حبيبتي اجه الوقت الي لازم تردين جميلها وتفرحيلها مو تحزنين وما رجعتي للبيت وهسه هيه قلقه وتلكين كلبها نار صاير عليج ماما
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
