أسماني ابي ريحانه

47

صباح الخير جميعا 💐 ورداتي

عظم الله لكم ولنا الاجر بذكرى استشهاد باب الحوائج موسى ابن جعفر (ع) 

رجعت وياكم بلحلقه 47 من اسماني ابي ريحانه

بقلم اختكم دموع البحر ..🦋🦋🦋

نبتدي باسم الله 💕💕💕

🌺🌺🌺🌺🌺

وكفت وصفنت على نظرات ماما الي وكأنها تكول شنو الي بداخل عقلج

هزيت راسي الها : شكو ماما !!!

: ليش اخابر الولد خو نخبر امه ؟؟؟

: بكيفكم اي واحد تردون تحاجو حاجو ..يجيون واحجي شرطي عجبهم اهلا وسهلا ما عجبهم خفتا وراحه

عفتهم ودخلت المطبخ اسوي عشه ويه ود

كملنا العشا واخذنا للصاله وكعدو الجميع بس اسلام بعده مجاي تعشينا وكملنا وصبت ود جاي لابوها واخذته واني خلصت المواعين ورحت كعدت بلصاله يمهم اصحح دفاتر الطلاب

لل٩ اندكت باب الصاله ودخل امير يقول : يالله ...

كال عمو حبيب : فوت ابني فوت

دخل امير وهو مبتسم : السلام عليكم

ردينا السلام عليه ..دنك باس راس بيبيته كالت : هله بهل طول شلونك يمه

: زين بيبي انتي شلونج ؟؟

:من اشوفكم ترد العافيه الي

ابتسم وكال : عسى دوم العافيه ما تفاركج

ابتسمت ماما وسألته : شلونك بلدراسه حبيبي ؟؟؟

:الحمد لله خاله زينين ..

: عفيه بلسباع امك شلونها ؟؟

: زينه امي ...بيبي ترحين عمو كال خاف تريد تنام

كلت اله : اموري اجهز الكم العشا واجيبه

:لا خاله والله تعشينا احنا وعمي جنا يم بيت جدي

هزيت راسي وكلت : الف عافيه حبيبي

سألته عمه : عمك وياكم راح

: اي هو جدي دز عليه

:هااااا ....يالله يمه اخذني ...تصبحون على خير

ردينا عليها وطلعت ماما ويه عمه توصلها ورجعت لملمت الدفاتر ودخلت للغرفه لكيت ود نايمه خليت الدفاتر على الميز ورحت للجربايه مديت نفسي ودرت على ود نايمه فدوه للكبرت وصارت مره بس هل ايام احسها ضايجه ومالها خلك باجر اسألها من ترجع من الدوام بست خدها وعدلت الغطه عليها وغمضت عيوني سالفه تاخذني وسالفه تجيبني وين يالله نمت

وكل عاده الصبح ريوك ودوام والظهر ارجع نصلي ونتغده ونام ساعه

فتحت عيوني لكيت ود كاعده على جربايه امي وتاكل باصابعها من التوتر
كعدت عدل وكلت واني الم شعري : ود شكو شبيج ؟؟؟