أسماني ابي ريحانه

25

صباح الخير جميعا 💐 ورداتي

رجعت وياكم بلحلقه ال25 من اسماني ابي ريحانه

بقلم اختكم دموع البحر ..🦋🦋🦋

نبتدي باسم الله 💕💕💕

الساعه ثنين بليل وعيوني ما اجاهن نوم اتصل اسلام طلعت اتسحب من الغرفه وكلت : الو ها اسلام بشرني...!!!
اجاني صوته تعبان ومخنوك : ها اسو امي وين ؟؟
بلعت ريك من الخوف وكلت : اسلام تره وكعت كلبي شنو الصار امجد شبيه ...؟؟!!!!!
اسلام : بعده فاقد ادعيله اسو ...
شهكت وخليت ايدي على حلكي : عزززا !!!
اسلام : لا تخلين امي تسمع اسو .....
طاحت دمعتي وكلت : توها نامت مو يمها ...فدوه كولي شبيه امجد ...!!!
اسلام : مسويله غسل معده بس فاقد من المغرب لهسه الدكتور يكول ممتحمل جسمه .......
اسو : منين اجتك هاي يا خويه ...!!
اسلام : من ايده لعد منين ...يريد ينتحر الضاهر شارب ٥ قواطي وبطل ...استغفر الله
اسو : بابا وين ؟
اسلام : من شاف وضع امجد صعد عنده السكر الحمد لله بلمستشفى شافه الدكتور المقيم وانطاه علاج وهسه نايم ..
اسو : اااااه سوده بوجهي بابا ..بس وين نام ؟؟!!
اسلام : جناح خاص بيه سريرين للمرافق والمريض وابوي وصل اصلا مريض يعني عادي مو مثل العام
اسو: وشون هسه ستسوي ..
اسلام : الدكتور كال اذا صحه منا لل٤ هيج اكدر اطلعه الصبح
اسو : ان شاء الله يصحه وجيبه هنا يمنه لا تخليه ...
اسلام : هو هم هيج ...يالله روحي نامي والصبح جايين ان شاء الله
اسو : ان شاء الله انته هم نام لا تضل كاعد مالنا خلك بعد واحد منا امجد وبابا وماما عاد بس انته قوي كلبك
اسلام : اي ...اي يالله روحي
اسوو: مع السلامه
اسلام : الله وياج
سديته منه ورحت مديت روحي يم ماما ونمت
ثاني يوم
الساعه ب٢ ونص ولهسه ما وصلو كوه قنعنا ماما تاكل شويه علمود تشرب علاج ولو حقها منو اله نفس ياكل
لؤي اتصل عليه وخبرته بلصار وخبرني من يرجع من الشغل يمر
ماما اصرت تخابر خاله سميه وتشاركها همها وفعلا ماهي لحظات وخاله وعمو حبيب يمنه بدشداشه البيت التلفون ما وكع من اذن عمو حبيب وخاله تهدي ساعه بماما وتدعي لامجد وساعه تلومه على الي سواه بنفسه

عيني عليهم وعيني على الباب هسه يجون لل٣ وربع اندك الباب ركض جود وعمو حبيب وفتحو الباب ودخل بابا يجر بروحه جر والوجه صاير احمر اكيد السكري صاعد عنده ودخل اسلام وعمو حبيب يتجون لامجد الي مو امجد ضعفان وممرود مرد والشعر هوسه ولحيه عاليه
دخلوه للاستقبال وخلوه على القنفه خليتله مخده جوه راسه ومدد عليها
بابا دخل للغرفه كبل رحت وراه دكيت الباب ودخلت شفته بيده علاجه تقربت يمه وبست راسه وكلت : الله يساعدك حبيبي
باوعلي وعيونه متروسه دموع : شفتي سوه بيه اخوج ؟؟
اسو: عدت على خير بابا لا تحرك بروحك
هز راسه مو راضي علوضع
اسو : يالله خلي اصبلكم غده
ابو امجد : تغدينا بلطريق ...اكوم اشوف ابو علي عيب منه عفته ودخلت
هزيت راسي
كام طلع وراح للاستقبال سلم وكعد يسولفون وضع امجد اسلام استأذن وكام صاح نهى تحضرله الحمام وراد يصعد تقربت يمه وكلت : اسلام شنو وضع امجد
ايده على المحجر مالت الدرج ويباوع للفوك : ما متأكدين بس العصر اخذه الاختصاص ونشوف
هزيت راسي بأي وراح صعد مبين منايم
رجعت للاستقبال وتقربت من امجد الي مخلي ايده على وجهى كلت بهدوء : امجد
كال بتعب : ها اسو
اسو: ليش هيج حبيبي تسوي بينا ؟؟
كال وصوته ناصي من التعب : اسو مالي خلك ملامه كافي ابوج واخوج من الصبح لهسه يحجون براسي
اسو : غير خايفين عليك يا عيني ...سكت ما رد عليه
كعدت يمه شويه وحاول يكعد كمت ساعدته : ها تكعد
امجد : اريد اسبح وابدل ملابسي
اميمه : اي يمه كوم وين راح اسلام ...؟؟؟
اسو : صعد يسبح وينام خطيه منايم
امجد : شنو صغير وتصيحيلي اسلام انا اكوم واسبح وحدي
اميمه : يااا غير اخوك شبيك يمه
عضيت شفتي الها تعوفه وكمت وراه صعد الدرج بخطوات ثكيله وانا امشي وراه وصل لغرفته خله ايده على يده الباب وغمض عيونه وتنهد فتح الباب ودخل كعد على الجربايه الغرفه نضيفه وعطرها يخبل مثل كل يوم جنت انظفها واعطرها واطلع وهسه نهى ممقصره خطيه مخليتها تلمع
تقربت منه وكلت : وين خانت ملابسك
رفع ايده واشرلي فتحت الكنتور بيه كم قطعه ملابس من اخر مره اجوي بزواجي طلعتهن اله وخليتهن بلحمام واخذت المنشفه هم وعلكتها طلعت وصحتله كام ودخل الحمام ظليت بغرفته كاعده لحد ما طلع ودخل ينشف بشعره
اسو : نعيماً مجودي
هز راسه : الله ينعم عليج
اسو : جوعان
امجد : ججج ...بس اريد انام
اخذت المنشفه من ايده خليتها على باب الغرفه وهو راح تمدد وخله ايده على عيونه
غطيته وكلت : اذا حتاجيت شي رمشلي
هز راسه واشر بيده اطفي الكلوب واسد الباب
طفيت الضوه وسديت الباب واخذت ملابسه ريحتهن مطيبه من المستشفى والشرب خليتهن بلطاسه الجبيره مالت الحمام وشطفتهن حيل بعدين نزلتهن بلغساله وغسلت ورجعت للاستقبال كعدت يمهم شويه وحبيب استأذن وراح هو وخاله والجهال بابا كام نام وراحت وراه ماما بقيت انا ونهى هيه هم حسوني نام على ايدها اخذته وريحانه بحضن ابوها نايمه متعلقين واحد بلثاني اليل كله تسأل عليه وتبجي لحد منامت ودمعتها على خدها ما متعلمه على فراك ابوها ومن اجه لهسه مشفناها يمه
مديت روحي على القنفه الي بلاستقبال واتصلت على لؤي حجيت وياه شويه وسديته ردت اتصل على  ريحانه مشتاقه الها بس بطلت ما اريد اقلقها علينا ادري بيها امجد طلع من كلبها بس ما حبيت اسويلها احراج
عفتها وكمت افتر بلبيت سويت جاي وحضرت الكوابه سمعت صوت بلصاله طلعت شفت امجد كاعد رحت يمه : ها حبيبي شو كعدت
امجد : ما جاني نوم
اسو : جوعان اسويلك اكل شي
هز راسه وكال : ما اريد اذا اكو جاي صبيلي راسي راح ينفجر
رحت صبيت اله والي واجينا كعدنا بالاستقبال شغل التلفزيون ويكلب بلقنوات خليت الجاي كدامه وكعدت يمه اخذت نفس وكلت من بعد سكوت : امجد
بدون ما يباوعلي كال وعو يشرب الجاي : هممم
اسو : ليش هيج حركت كلبنا عليك ...
دار وجها الي ورجع يكلب
اسو : امجد احجي وياك
ذب الريمونت علميز ودار وجها الي وكال: خيررر
اسو : شبيك عصبي جاي احجي بهدوء ...
امجد : ما اريد احجي
اسو : ليش مو انا اختك ...والله بالي عليك شنو الي وصلك لهل حال مرتك وجهالك بصفحه وانته منا وصحتك وحالك الي صاير بيك شبيك شوصلك لهيج
امجد : ما بيه شي ومرتي من ايدها يطبها طوب وحالتي ما بيها شي
اسو : نظحك على نفسنا امجد ....كتلت نفسك على فاتن حاولت بكل الطرق تصير الك هيج بسهوله تطلكها
اخذ نفس وكال : ليش منو كلج بسهوله فاتن مرتي وام جهالي وبت عمي وصارلنا سنين سوه
اسو : اي لعد شنو الصار الي وصلك لهل حال
امجد : موتتني شيبت راسي غيره وشك دمرت اعصابي
اسو : اجي وياك اذتك اوك ازعل عليها خوفها ...اضربها مو تطلكها
امجد : ليش ما سويت هيج ...والله ثاني يوم تزيد
كلت بهدوء خوف وتوتر خايفه من جوابه لا يصدمني : وريحانه ليش هيج سويت بيها ؟؟؟
سكت وعيونه ركزهن على كوب الجاي الي بيده : اسو لو احجيلج مراح تصدكين
كلت : لا ليش ما اصدك احجي فرغ الي بداخلك
باوعلي كلت : امجد انا اختك مستحيل راح اأذيك خلي نشوف شنسوي ...تره ريحانه تأذت بينك وبين فاتن
نزل راسه وكال :  ما عندي شي وياها كبرت بينا من جانت صغيره تصيحلي بابا وانا بعدني شاب صغير تعلقت بيه لئن انطيتها حب الاب لبنته حسيتها محسوبه مني شي خاص بيه جانت من تتعنف من خالج ومرته تشكيلي وتبجي يتيمه ومحد الها خاله صارت الها كلشي وانا صرت الها الاب انطيتها حنان مثل ما انطيتج مجنت احسب هذا الحنان راح يأثر عليها من تكبر ....
صارت تكبر كدامنا وبينا المها لحضني مثل ما المج
وانطيها حب بكد ما انطيج
من صارت بلمتوسطه  وتجينا حلوه صغيره ناعمه تجي وتطلب مني اساعدها بدروسها تكعد يمي واشوف خجلها وعيونها الي تسرق نظره مني وتنزل علكتاب ...