صباح الخير جميعا 💐 ورداتي
رجعت وياكم بلحلقه ال19 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
بزي الكليه ووجه شاحب من الهبطه تم عقد قراني
لا حفله ولا بدله ولا مكياج هيه خطبه زلم وهو عقد
الظهر اطلب منه حل وبليل اني مرته شون وشوكت وليش لا زلت اتسائل لليوم
رغم جنت مرتاحه اني صرت لايهم بس ضلت بخاطري فرحتي حالي حال البنات بيوم الخطوبه وفرحهن
رجعنا للبيت بليل دخلت للحمام سبحت وبدلت وشمرت روحي علجربايه
دك تلفوني رفعته ايهم فتحت خط
ايهم : هله بمرتي شونج حبيبتي
كعدت كعده : ليش مكتلي راح تجيب اهلك وتجي تخطب
ايهم : شوفي بلبدايه مجنت ناوي اليوم اجي بس عمار واولاد خالي كالو شمتاني منا لمن يزوجها وتضل تعض باصابعك ندم فكلت لخوالي ودزو على ولد عمهم وصديقهم الشيخ كالو علمود اذا اكو موافقه اعقد وفضها
كلت بضوجه : بس مردت هيج خطوبتي !!!
كال : حبيبتي حقج والله بس تدرين بعمج رحتله اكثر من مره وطردني وانتي كلتي ازواج عماتج خوش ناس وصح كلامج والنعم منهم ما قصرو ولو ابو امجد شويه نشف ريجنه يالله قبل بس الحمد لله صرتي باسمي هسه عمج ميكدر بعد يسوي شي
كلت : يالله بعد شسوي
كال : حبي لا تزعلين الجمعه راح اسويلج احله حفله
كلت : عليمن بعد اشو انخطبنه وعقدنا الحفله المن انته مو اجيت لابس قاط ومعدل روحك
ضحك وكال : لج ملعونه شون شفتيني ؟؟
كلت : شفتك من شباك المطبخ من طلعتو
كال : وانتي شجنتي لابسه من عقدنا ؟؟؟
كلت : ملابسي نفسهن
كال : لا تكولين ملابس الكليه ؟!!!!
طكيتها بجيه وكلت : اي هنه انته كاشخ وجاي تخطب واني اعقد بزي الكليه
ضحك وكال : وج عليمن هل بجي يا عيني باجر ادزلج خالتي تقى الصغيره هيه ومرت خالي وروحي اجري بدله وحجزي صالون وشتردين كولي للجمعه اجيج بملابس الشغل وانتي بدلي براحتج ونصير تعادل
ضحكت واني دموعي تصب وكلت : عابت
كال : حبيبتي ما اريد تضوجين زين تره منا لنهايه الشهر نتزوج تره ما اطول
كلت بدهشه : شنوووو ...شنو لنهايه الشهر والدوام
كال: يمي كمليه ريحانه انا ما عندي ثقه بعمج خاف يسويلنا سالفه من باجر ابدي اجهز نفسي وفلوس المهر ادزهن الج بيد خالتي وانتي جهزي نفسج ولا نأجل فدوه الج
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
