صباح الخير جميعا 💐 ورداتي
رجعت وياكم بلحلقه ال24 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
اسو ....
المهم دخلت للكليه ويه البنات وهناك حياة ثانيه هوايه طلاب رادو يتقربون منا بس جنا نبتعد انا وريحانه الى ان بيوم كاعدين بلكفتريا وكدامي جان اكو طلاب كاعدين رفعت عيني بدون قصد وصارت بعين شاب جان مرتب وانيق مدري شلون وشوكت شفت روحي ابادله النظره ومن هذا اليوم بده لؤي يتقرب جنت دائما ابتعد عن ريحانه من اريد اشوف لؤي لئن جانت قافله عن شي اسمه حب
علاقتي بلؤي بدت تزيد الى ان طلب ايدي ونخطبنا والحمد لله جان جدا مؤدب وحنون عليه بشكل اول مره طلب مني اروح وياه للبيت اهله بعد ما عقدنا سيد ومحكمه وصرت مرته كلت لماما بس رفضت وبابا هم وكلت لؤي اجه هو وامه وطلبو من اهلي اروح واتعرف على العائله وقبلو
ورحت وياه جان عنده اخوه ثنين واحد متزوج وعنده ٢ جهال واحد اصغر منه واخوات هم ٣ الجبيره متزوجه والباقيات وحده بكدي اول سنه كليه الها لئن جانت ترسب ولهذا مبطله توها والصغيره خامس اعدادي
رحت ويه لؤي بس جانت اخته الي بكدي تباوعلي مدري شون
مهتميت وصارت روحي الهم اكثر من مره عمتي ام لؤي تحبني وروى اخته الصغيره بس رشا الي بكدي جانت تتخبل من تشوفني رغم اسلم عليه ترد من وره خشمها سألت لؤي مره عليها كال تولي لا تهتمين بيها
قرب العرس وبدينا بلتحضيرات وجانت رشا تجي وياي الي اي شي جنت اجيبه جانت تعلق عليه ايععع ولا حلووو ولا عندج ذوق ابد ما عجبها شي
عفتها تحجي وحدها ورحنا نختار البدلات مالت الحنه والعرس وهم راحت ويانا بوجود لؤي وماما بدت تعلق على كل بدله اختارها فكلت لؤي ما اريد بدلات
منا حجايه منا حجايه قفلت ما اخذ رزل اخته وضلت تحجي عليه مثل الي شايله عليه
تقرب مني وكال : حبيبي لا تزعلين
اسو : المن جبتها وياك انته شفت شسوت من اشترينا النيشان
لؤي : والله جلبت وكالت ما احجي
اسو : يا ما تحجي رحمه لابوك ما اريد بدله عود غير يوم اجي اختار لوحدي
لؤي : هاج هاي الفلوس وانتي اجري جيبي وياج البنات لا تجين وحدج
اخذ اخته وبقينا انا وماما بلسوك ضجت حيل منها مو اول مره تجلب ويانا حتى من رايح لؤي مشتري الغرفه هم مجلبه وياه وهم مضوجته ما اعرف شنو الي تريده وليش هيج تسوي
المهم بيومها رجعنا للبيت وثاني يوم رحنا لغير مكان واجرت منها بدلات وحجزت صالون ما ردت هيه تحجزلي
وقبل يوم الحنه من رايحات ماما والبنات موديات اغراضي نهى نقلتلي الي صار تكول كاعده على الجربايه مالتي وكل ما يطلعن حاجه ويخلنها بلكنتور تنطي رأيها هذا مو حلو هذا لونه مو شي لا تخلن هنا لا تصفطن هيج وبعدين تكول لو هاي اني هيج مخطوبه جان جبت هيج جان حطيت هيج بس هيه حظوظ
خلت نفسها بكلشي يخصني وبيوم الحنه مالتي صارت الهوسه مالت امجد وفاتن وطلاكها ضل بالي ولازم اروح اشوفها ورحت الها شفتها لابسه دشداشه خاله ولامه شعرها بشكل مبهذل رغم هذا جانت حلوة اول مدخلنا عيني راحت على عينها الي تشخصت على اسلام بخوف وقلق وكأن ما تريده يصدك الي سمعه بس نظرات اسلام جانت مجروحه وقاسيه الي سمعه مو شويه عليه اسلام بعده يحترك بحب ريحانه بس مو مثل امجد حسيت حب اسلام الها حب حقيقي لئن ما حاول يأذيها ابد عكس امجد الي ما حسب حساب سمعتها او هيه بنيه متزوجه هسه والي سواه اكبر غلط
والي وكعت بيها هيه ريحانه
الحمد لله محد عرف بلسالفه بس اهل فاتن واحنا وثاني يوم العرس بطلعه الزفه شفت ريحانه مكسوره خاطر خطيه متدمره بس اني جبرتها على الجيه
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
