أسماني ابي ريحانه

26

صباح الخير جميعا 💐 ورداتي

رجعت وياكم بلحلقه ال26 من اسماني ابي ريحانه

بقلم اختكم دموع البحر ..🦋🦋🦋

نبتدي باسم الله 💕💕💕

بعد ما كعدنا نسولف كتله : هسه اريدك تكمل

باوعلي نص نظره وكال : شكمل ..!!!

اسو : من بقيت تزن على خاله وماما علمود سالفه ابو كاظم مدري ناظم الي يطلب خالو جواد وراده يتزوج ريحانه

اخذ نفس وكال : هو مثل ما كتلج

اسو : وبعدها شصار ...

امجد : بعدين حاجيت امي وكتلها اريد اتزوج ريحانه بس امي رفضت وكلبت الدنيا عليه

اسو : سمعت بيومها بس مجنت اعرف المقصوده ريحانه لئن مجنت اعرف بيك تحبها

امجد : حجيت وياها مقبلت رحت لخالتي هم نفس رأي امي وكأن متفقات ردت منهن بس يقنعنها ويأثرن عليها توافق والباقي عليه

اسو : بس لحظه شون تزوجها وفاتن تتوقع جانت راح توافق

امجد : تره ابطل احجي ..اسمعي واسكتي لا تسألين تره اكوم وما اكمل

خليت ايدي على حلكي وكلت : لا فدوه سكتت

امجد : حجيت وياهن وتوسلت وشنو تريد اسوي بس خلي توافق
امي عصبت عليه وضلت تصيح : لككك امجددد انته تخبلت ولك تتزوج بت خالك فوك بت عمك وين صايره هاي ...خاله سميه جانت نفس امي لا والله امي جانت اقسى كلامها عباره عن سجاجين تكطعني صح غلطت بذاك والوكت وبطلبي جان المفروض ما اخطه هيج خطوه
تخبلت امي وصحت عليها بيومها وكلت انتي مو امي ليش ما تردين سعادتي
سميه : وسعادتك تبنيه على تعاسه مرتك وجهالك وبلظلمه
امجد : التردوه اسوي
اميمه : تتوقع نقنع بت اخونا تتزوجك على فاتن
امجد : اذا جان المانع فاتن اطلكها وفضت راحت
اميمه : لكككككك انته شنوووو ولك تطلك ام جهالك
امجد : حيرتني ...ما تقبلن بكل الحلول
سميه : اذا هيه ريحانه رفضتك احنا شون نقنعها
امجد : احجن براسها ...جبرنها ...ما اعرف سون كلشي

اسو ما تحملت اضل ساكته وكتله : امجد اسفه على المقاطعه ...بس ليش تتوقع ريحانه ترفضك والي اعرفه هيه تحبك

اخذ نفس وكال : حاجيتها ..
اسو : لا والله ...شوكت ...وشكالت الك
امجد : من شفتها بيوم خطوبتج وجنت جنوني ضلت بالي ..ما نمت دزيتلها كتلج مسج ...ثاني يوم اخذت الجهال اشتريلهم من الشارع وشفت سياره حبيب وياه خاله بس ريحانه ماكو همه مشافوني بس انا شفتهم بيني وبين نفسي كلت ريحانه وحدها بلبيت رجعت الجهال واتصلت على خاله سميه بحجه مشتاق الها وسألتها موجوده بلبيت امرلج كالت لا رحنا لعمه الجهال
سديت التلفون وبالي ياخذ ويجيب بالافكار شفت روحي باب بيت جدي اخذت نفس ودكيت الباب ما فتحت لحيت بدك الباب اسمعها تصيح منو وكلبي دكاته تسرع وكانو جنت اركض بمارثون
من لحيت بدك الباب اول ما فتحت الباب دخلت عليها ردت اضربها واطيح حظها شون تفتح الباب لشخص ما سمعت حتى صوته والبيت فارغ بس هيه بيه
بس من شفت عيونها باد كلشي بيه شفت نظره حب وعتب بس لحظات ...لحظات ما طولت غير انتفضت وركضت للمطبخ تحاول تسد الباب صاحت وعيطت وهددتني بخاله وحبيب وكتلها ادري بيهم مو هنا تخبلت جان ضنها انا ...انا ...