مساء الخير جميعا 💐 ورداتي
( ملاحظه قبل شويه بلغلط تم نشر البارت واني دا اكتبه فارجو السماح منكم )
رجعت وياكم بلحلقه ال39من اسماني ابي ريحانه
بقلم اختكم ام شبر ..🦋🦋🦋
نبتدي باسم الله 💕💕💕
..............🌺
ليش تبچـي .... الناس أجو سألوني
جاوبتهم .... هذا حظ آعيوني
گالــــوا آضحك ...
عوف دمعك ...
حيل آضحك ...
خل نسمعك ...
توني أجيت اضحك .. واجو بجوني !!!!
بطه 💔 ايهم
~~~~~~~~~~~
ويه كعدتنا جان تدخل علينا رشا اخت لؤي بنيه سبحان الخالقها جمال وطول ورشاقه وعطرها ترس المكان
حوراء فكت حلكها عليها باوعتلي وكالت همس : هاي حماتها
هزيت راسي : اي
كالت : والله ولج بس يشوفها يجلب بيها هذا
ضحكت وبقينا يم اسو الي كلشي ما افتهمنا منها بس الواق والويق
ورجعنا بتكسي للبيت اجه عمار على حوراء وطلعنا نسلم عليه ابو ياسر حباب وعاشرناه سنين جان مثال لاخ الطيب والحنون علينا
شافني ابتسم وكال : ها ولج شصاير بيج ؟؟؟
دنكت راسي : شنسوي بعد
: تهون ..تهون وتصير سوالف
باوعتله : انته شونك شخبارك ...كطعت فرد كطعه !!
ضحك وكال حاك راسه من الخلف : هو الي ياخذله مره مثل بت سعيده وفروخها شيصير بيه
ضربته حوراء على جتفه : هاااا بدينااا
ضحكنا عليها اني وحلا
باوعلي وكال بهمس : صاحبنا منتهي
باوعتله وكلبي نخمش : هاااا
: تعبان ..حيل تعبان
دنكت راسي : شبيدي عليه
: ليش هيج صار مو جنتو شلونكم ليش لحيتي بلفراك
: ابو ياسر اني جنت بحاله ينبجي عليها ما حاسه بلمقابيلي عايشه بس نوم من العلاج والمهدئات
حوراء : عمار شبيك عليها !!
: لا والله مو قصدي اأذيها اختي هاي ..بس انتي شفتي شصار بيه ومحتارين بيه
وجعني كلبي وكلت واني ابلع ريك : ليش شبيه ؟؟؟؟؟؟
باوعلي وعيونه تتنقل عل معاني وجهي الي بدت تعلن الصدمه والحزن : ايهم تصوب
جنت لازمه بيدي دولكه المي الي قدمت منها لعمار ما حسيت عليها من وكعت تقربت منه وكلت بصدمه : شنوووووووو !!!!!
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
