صباح الخير جميعا 💐 ورداتي
رجعت وياكم بلحلقه ال22 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
بين اصوات الصياح والعياط صوت الهدوء خيم براسي هدوء مشوش مثل انتهاء البث بلتلفزيون بس صوت تششششششششش
بس ميزت صوته وهو يصيح بعلو صوته : انتي طالگ
فتحت عيوني بثقل واني اتمنى الي صار جان حلم او كابوس وكعدت منه خلاص
غمضت عيوني ورجعت فتحتهن على صوت بعيد يصيح : ماما ...بنيتي ريحانه فتحي عيونج
وطبطبات على خدي باوعت وشفت ماما عد راسي وعمه اميمه تبجي
كلت واني اكعد : شكوووو شنو الصار
اميمه: يمه بنتي انتي زينه يمه
كلت: اي عمه شنو الصار...
فجاه واحس بگلبي نخمش ولعبت نفسي واني اتذكر الي صار بسرعه ركضت للحمام الفوك بعدني مفاتحه الباب وجان تكلب معدتي شافتني ماما تخبلت
وكالت عمه : دخليها للحمام سميه انا اغسله منا العالم كافي الفضايح الصارت
سميه : راح اخذ ريحانه ونروح للبيت
اميمه : وين رايحين ...لا ترحن
سميه: لا خيه خلينا نروح احسن خطيه اسو نخرب فرحتها
اميمه: الله لا ينطي كلمن سوه هيج
سميه: لا تدعين خيه ..الله موجود ويطلع الحق
غسلتلي ماما واخذنا اغراضنا ورحنا للبيت دخلت واني احس بروحي سكرانه كوه امشي كعدت على جربايتي الي بغرفتي بيت اهلي
سميه: ريحانه ماما انتي زينه
باوعت الها وهزيت راسي ما اعرف : ما اعرف ماما كلشي بيه يبجي ما عده عيوني
كعدت بصفي وحضنتني : سوده بوجهي ماما بعدج مصدومه ..تكومين تسبحين وترتاحين
هزيت راسي لا
كامت وكالت : ارتاحي بين ما اسويلج ليمون واجي ...تبدلين هدومج
هزيت راسي لا
خلت وطلعت واني بكعدتي الي كاعدتها علجربايه ومدنكه راسي كلبي يوجعني ونفسي مكسوره شنو الصار وليش هيج جاي يصير وياي ليش من دون الباقين هيج تمر عليه ظروف
حتى فرحه اسو انكسرت بانكساري شفت الدمعه بعينها باحلى يوم عدها
مديت نفسي علجربايه وغمضت عيوني احاول انسه الي صار
حسيت بخنگه وجفلت من سمعته يگولي : حبيبج وتحبينننه
الغرفه ظلمه بس صوته اسمعه حاولت ابتعد عنه مكدرت مثبت ايده على حلكي حيل والثانيه لام اديه وره ضهري بيه ومقوي مسكته وجهه احسه بوجهي انفاسه حاره تلهب بوجهي وصوت تنفسه سريع حاولت ادفعه جرني اله حيل ما ردت يقربني لصدره يحجي بسرعه وحركه : حبيبج ريحاننننه حبيبج ...ولججج شوكت حبيتيه ولججج شوكتتتتت
مو اناااا جنت حبيبج شووون تحبين غيري شوووون
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
