مساء الخير جميعا 💐 ورداتي
رجعت وياكم بلحلقه ال27 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
كعدت الصبح متكسره تكسر جسمي كوله يون عليه وعندي وجع بظهري ونهايه بطني اسمع الاصوات جوه جاي يطبخون وايهم صوته وياهم اخذت تلفوني شفت الساعه ب٧ كمت وكفت بس حسيت الوجع زاد رجعت كعدت لحد ما يخف الوجع ...
شويه ونفتح باب الغرفه بهدوء رفعت عيني شافني كاعده فتح الضوء وعكد حاجبه تقرب وكال : شبيج ريحانه
ابتسمت وكلت : ماجورين ...
كال : رحم الله والديج ...شبيه وجهج اصفر
كلت : ما كو شي بس شويه ظهري يوجعني ...ليش مكعدتني وياك عيب هسه خاله ام كرار وخاله ابتسام وحدهن
تقرب كعد يمي وخله ايده على كصتي وكال : البارحه صخنتي بليل وبقيتي تونين فما كعدت وثاني شي خالاتي يمهن والبنات يعني مو وحدهن
كلت : مخالف حبيبي هسه اكوم انزل عيب كلهم كاعدين واني نايمه
ردت اكوم زاد الوجع بظهري طلع مني صوت بدون قصد خله ايده عليه وكعدني وكال : شبيج ريحانه شيوجعج
خليت ايدي على بطني وكلت واني اتلوه : بطني وظهري يأذني
من كلت هيج تخبل سمعته يكول : تقى اصعديلي فدوه
.....مدري شبيها ريحانه جاي تكول بطني وظهري ....ما اعرف بس جاي تتلوه ...تتعالي لخاطر ربج وشوفيها
شويه ودخلن خالات ايهم ورسل التفن عليه ويسألني واني اجاوب
خاله شمس كالت : ايهم يمه خلي ناخذها للمستشفى لا يصير شي عليها لو على الطفل يمه بسرعه
طلعتلي رسل ملابس لبستهن وخاله تقى ورسل كالن نروح وياكم خطيه ايهم شالني لئن الوجع اخذني وما اكدر انزل الدرج صعدني بلسياره وره ويمي رسل ومنا خاله تقى وصعد هو وياه خالو رضا واخذنا للمستشفى فحص وسونار ومغذيات صارت ١١ خف عندي الوجع كالت الدكتوره : مسويه فد مجهود قوي
كلت بألم : لا والله دكتوره ما يخلوني
كالت : المشيمه متقدمه الحمد لله مصاير نزف عندج جان فقدتي الطفله ...وانطتني علاج وتوصيات وطلعنا للبيت لكيناهم موزعين ومخلصين خطيه كعدت واني الخجل كاتلني كتل منهم لئن يستاهلون اخجل منهم قمه بلحب والانسانيه كولهم نسوان ورجال
التمو عليه يسألون وهذا ينصح وهذا الي يتحمدلي السلامه رفعت عيني مدمعه واشوف كميه الاخلاق الي شايليها يوميه اشكر رب العالمين على هيج قسمه وهيج ناس ايهم عيونه عليه والقلق والخوف تارسهن ابتسمت بوجها تقرب وكال : بيج حيل تصعدين
هزيت راسي اخذني من ايدي وصعدنا على كيف كعدني ونزعني الجبه والحجاب ورفعلي المخدات خلاهن ورايه عيوني جانت تفتر وراه وهو يتحرك اخذت ايده ومسكتها قوي باوعلي وكال بخوف : متوجعه ؟؟؟؟
هزيت راسي : لا...لا تخاف ما بيه شي لا اني ولا مريومه
كعد كبالي وعيونه انطعن حمر
كلت : شبيك يا عيني ما بينا شي ..
ايهم : خفت عليكم خفت لاهم اخسركم ...
رفعت ايده وبستها وكلت : لا تخاف كلبي ...الحمد لله عدت على خير وان شاء الله تجي مريومه بسلام
ابتسم وكال: والله من طلعنا منا لحد ما رجعنا انا انخه ابو الفضل كتله سيدي ومولاي اليوم عفت طبخك اعذرني بس اريدك تكوملي مريتي بنيتي والي بطنها ثنينهم سالمين وترجعهم الي ثنينهم
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
