أسماني ابي ريحانه

48

صباح الخير جميعا 💐 ورداتي

رجعت وياكم بلحلقه 48من اسماني ابي ريحانه

بقلم اختكم ام شُبر ..🦋🦋🦋

نبتدي باسم الله 💕💕💕

🌺🌺🌺🌺🌺

حطيت كلاص الجاي كدامه بهدوء ورفعت عيني عليه يباوعلي بغضب
ابتعدت وكلت : هذا الجاي اشربه قبل لا تشرب الحبوب خاف لئن ما شارب جاي جاي يوجعك راسك

رحت وكفت يم الحايط الي بينا وبينهم مسافه مو جبيره بحدود ٣مترات يباوعلي وعيونه مخنزرهن عليه

: احاجيك ليش ما ترد عليه ؟؟

ساكت وبس يباوعلي كتله : مو احجي وياك ليش ما تحاجيني شنو مسويه شي مضايقك ؟؟

غمض عيونه حيل ونزل راسه شويه ورجع يباوعلي وكال : وليش انتي تردين على الي يحجي وياج ؟؟؟

اريد احجي كال مسكتني : خالتي كالت اقنعج بلقسمه الي جايتج شنو رأيج ؟؟..تقتنعين بكلامي!!!! ...حجاها بحديه ونتر

ضليت مصدومه من كلامه الجاف وياي وكتله  : هذا الشي خاص بيه وما احب واحد يتدخل ...ما اقتنع برأي اي احد

شو هذا كوم وادفع الصينيه من كدامه وتطشرت بلكاع مسويه صوت عالي

انصدمت وفتحت حلكي من شفته تقرب مني بخطوه ونص وصار كدامي هو اطول مني نزل راسه الي وكال بنتر : شو انتي صايره فد مره ..منو الي ما تقتنعين برأيه ولجج؟؟

بلعت ريك ودرت على بيتنا اشوف لا واحد طلع ويشوفه شون يحاجيني محد طلع درت وجهي عليه وكتله : شبيك اسلاممم خيررر !!!!

لزمني من زندي وكال وهو عيونه بعيوني : اذا ما جنتي ناويه ترتبطين برجال شكو دازه على العالم وتتشرطين ؟؟

كلت واني ادفع ايده : وانته شكو اتشرط لو ما اتشرط شعليكككك

باوعلي واحسه مو على بعضه دار وجها وفات دخل البيت وسد الباب وراه حيل

اخذت نفس ورحت لملمت الصينيه واخذتها للبيت مالتنا واني الوم نفسي شكو رايحه اله واوديله جاي شو هو من الصبح بس يخوزر بيه ..

دخلت لكيت ود بلمطبخ تمسح بلكاونتر

خليت الصينيه على السنك وتنهدت

تقربت مني وكالت : شبيه عمو اسلام ؟؟؟

باوعت الها شأكلها بالله هو اني شفتهمت منه علمود احجي
: ما بيه شي بس اني عود شلت الصينيه وزلكت ووكعت من ايدي

: تره اجيت وشفته يصيح عليج خليت ورجعت

صفنت عليها وكلت تالي : ماكو شي هيج ..

هزت راسها وكالت : روحي اني اكملهن

خليت ودخلت لكيت ماما كاعده وعمو حبيب ماكو كالت : شبيه ابن عمتج ؟؟؟