صباح الخير جميعا 💐 ورداتي
رجعت وياكم بلحلقه ال16 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
خلص اليوم بعد هبطه الصبح وقهر العصر وكعدت ادرس بليل وجان يدك تلفوني ايهم
اول مره اتوتر واحس ايدي ترجف اخذت التلفون وكلت
الووو
ايهم : ريحانه تره خلص صبري
بلعت ريك وكلت بتوتر : شنووو
سمعت صوت الجداحه ونفس قوي انسحب وكح كحه قويه
كلت : احم ..احم اشرب مي
ايهم : اااااااخ ولج من الصبح لهسه ناررر وشابه بضلوعي
ريحانه : ليش شكو
ايهم : انخطبتي مو ؟؟
ريحانه : لا
ايهم بسرعه : شنوووووو ..شون والعقد وعمج
ريحانه : وليش تسأل
ايهم : ولج احجي لا تزيديها عليه
ابتسمت وكلت : زوج عمتي فضها وكال للشيخ والرجال البنيه مموافقه وفضت بعد هوسه جبيره طبعا
ايهم : ااااااااه واخيرا تدرين من الصبح لهسه واج ناررر ردت اهد على عمج بس المشكله ما اعرفه
ريحانه :ليش
سمعته اخذ نفس وزفره حيل وهو يكول : ااااااخ يا ريحانه ولج انا من اول يوم شفتج وانا متخربطه احوالي
فتحت عيوني على وسعهن واحس النفس وكف بصدري اريد اخذ نفس ماكو بقيت اكح
ايهم : شبيج ريحانه
جليت صوتي كوه وكلت : لا ...ماكو ..شي
كمت اخذت بطل المي الي علميز وفتحته وشربت منه
اخذت التلفون كلت هسه اكيد سده خليته على اذني واسمع يمه صوت مسجل او راديو ما اعرف بس صوت اغنيه اتوقع
كلت : الووو
ايهم : ها ريحانه شبيج ليش تكحين
ريحانه : شركت بلمي ماكو شي
كال : غده الشر ريحانه اتصلت بيج لئن بعد ما اتحمل يوميه اكول راح احجي العندي بس البنات ويانه وما اكدر احجي وردت افاتحج صار عندي ظروف هسه سالفه عمج انا ما اتحمل اضل اباوع بعيوني لحد ما ترحين من ايدي
كلت بتوتر : شنو ايهم شهل حجي كلشي مفتهمت تره
كال : ريحانه انا احبج ورايدج على سنه الله ورسوله
بلعت ريك واحس كل لشتي ترجف : اءءء
ايهم : لا تءءين ريحانه انا رجال جايج من الباب واحبج وما اريد اذيتج
أنت تقرأ
أسماني ابي ريحانه
Чиклитيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
