أسماني ابي ريحانه

45

صباح الخير جميعا 💐 ورداتي

التقي واياكم بحلقه 45 من اسماني ابي ريحانه

اتمنى ان تنال اعجابكم

نبتدي باسم الله

🌺🌺🌺🌺🌺🌺🌺

ليالي طوال عشتهن بحزن وبفراغ وبألم شعور بلخساره مؤلم
وخاصتاً الي خسرته اني مو شويه
وكأن رب العالمين وحاشى لله ان ما يخليني اصير أم لاطفال راح انحرم من ابوهم

كعدت الصبح مثل كل يوم بعد معانات بليل اطلب النوم واهرب من واقعي الي عشت بيه من اربع سنوات
وكفت كدام المرايه الموجوده كدام المغسله ورفعت عيني وشفت وجهي متغيره حيللل مو نفسي متغير كلشي بيه وكأني بلاربعين ما جني ب٣١ سنه شكلي متعب والعيون طافيه لمعتها والابتسامه كوه ترسم على شفايفي بدون ما تهز شي من الحزن داخلي وكملتهن مريم من شفتها ضل بالي يرسم اشياء ويسرد قصص خياليه

غسلت وجهي ولميت شعري الي قصيته لحد كتفي وما خليته يطول بعد
رحت للمطبخ لكيت ماما تحظر الريوك وعمه اميمه بكرسيها كاده يمها وتسبح بسبحتها الي لون خرزها اسود وجوزي
بثوبها الاسود والشيله السوده الي ما نزعته من موته امجد
صبحت عليهن وبست راسهن ورحت حضرت ويه ماما نزل جود وكتابه بيده ويرجع

: صباح الخير

كلنا : صباح النور

سميه : كعد اباذر لو بعده نايم ؟

: لا كعد بس جاي يبدل

طلعت ود من الغرفه وهيه تخلي جنطتها على جتافها
: صباحووو

:تعالي تريكي وده لا تطلعين بدون ريوك

: ماما راح يجي الخط اني مناك اشتري لفه اذا جعت

تقربت مني وباستني : صباح الجمال ..دنكت راسها الي وكالت : بطه فدوه اريد ١٠

باوعت الها : شتسوين بيها

: غير اخذت ملزمه وحده من الطابات ومدري وين راحت صاري ٣ ايام ادورها ما كو اريد اشتري وانطيها

:اي روحي بجنطتي اخذي شكد ما تردين

باستني : احلى اخت بلدنيا فديتتتتت

ابتسمت بوجع ودرت وجهي اكمل ريوك

اميمه : اكلج سميه خطيه ود مدرستها بعيده الساعه ٧ تروح شسالفه جان نقلتوها بهاي القريبات

: متقبل وج خيه تريد يم صديقاتها

:ماما خليها مدرساتهم زينات وهم مدرستهم محافظه خلي تروح هيه بس هل سنتين وبعدين تكوم تطلع من ٦ للكليه

ضحكت ماما وكالت : اي والله جنتي شابعه ضيم انتي عاد بس كون جود يشد حيله عاد ويه اخته بلكليه

باوع الها جود وكال : الله كريم يمه شعدنا ان شاء الله مثل ما تردين

: ربي يحفظك حبيبي