صباح الخير جميعا 💐 ورداتي
رجعت وياكم بلحلقه ال20 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
ولربما لاحظت مواخراً .....
بأني مع الاحزان رفاقا ....
جاي نسوي عشه اني وانسام ام محمد زوجه خالو رضا وجان نسمع صوت عالي صار خالو رضا وخالو علي صياح وعياط
ركضت انسام على صوت زوجها واني طفيت الطباخ ورحت وره انسام وكفت وره الباب واسمع صوت خالو
علي : ولكم راااح يموتني هل ولد هذا
رضا: على كيفك ابو كرار الولد مجاي يسوي شي غلط
علي : والله ادري رضا والله ادري بس شغلته ما يجي من وراها بس وجع كلب يوميه ها جاك الذيب جاك الواوي
ام كرار : على كيفك علي هسه يجي ونفتهم منه منو هذا الي جاي يهدده
خفت ورجف كلبي يحجون عن منو حيدر لو ايهم بس حيدر يدرس ويشتغل بمحل انشائيه مالتهم بلسوك يمكن مو ايهم
كالت انسام : عزاا منو هذا الي مهدده
رضا: ما اعرف بس هو بين فتره وفتره جاي هيج تهديد
علي : كون يرد ويبطل من هل الشغله ممو خلص كلبي وانا احابي عليه وخايف عليه من الهوه بس هو الضلي من ريحت المرحومه وروح اختي بس يجي اله اطيح حضه مو كبر وتزوج عباله بعد ما نحاجيه مو لخاطرنا لخاطر هل بت الناس مو كال ابطل بس تزوجوني وهاي تزوج صارله شهرين ما يكعد ويفكني من وجع الكلب
وكف كلبي من اتأكدت يحجون عن ايهم كلت بتوتر لانسام : يقصدون ايهم
باوعتلي وكالت : اي ولج راح يجلط خواله من وره شغلته
باوعت عليها وكلت : ليش هو شيشتغل ؟؟؟
باوعتلي ام كرار وكالت: ما كايل الج
كلت : شنو يكول
انسام : ايهم يشتغل بالاستخبارات
مصدومه وممصدكه الي جاي تكوله انسام يعني شنو يشتغل بلاستخبارات
رضا : ليش يابا مكايل الج طبيعه شغله
ريحانه هزيت راسي واني مذهوله : لا ...ادري بيه منتسب بلداخليه موظف مو عسكري
علي وهو يضرب ايده على فخذه : شوف ولكككك حتى مرته مكايل الها يعني لو صاير عليه شي لا سامح الله شنكول وشنحجي،
ريحانه : خالو يعني شنو ايهم بيه شي
رضا : لا بنتي ماكو شي بس اكو تهديد جاي باسم ايهم ولهذا خايفين عليه
دخت وحسيت الدنيا تفتر بيه ترنحت بوكفتي حسيت بايد تسندني شفت انسام مدت اديها الي
وكالت : مصار شي ريحانه هو مكانه حساس ولهذا لازم يضل كاتم شغله
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
