أسماني ابي ريحانه

33

صباح الخير جميعا 💐 ورداتي

رجعت وياكم بلحلقه ال33 من اسماني ابي ريحانه

بقلم اختكم أم شُبر ..🦋🦋🦋

{طبعا هل مره كتبت بدون واهس لئن ماكو تفاعل 😔🥀}

نبتدي باسم الله 💕💕💕

...... ..........🌺

الحبُ هو ان تحبُ فيهِ كلُ شيً وفي كُل حالاته .....

اعصابي متشنجه ومتنرفزه على اخري
بنتي حست بيه وضلت ترفس من كل الجهات حقها صارلي فوك النص ساعه كاعده بلسياره وايهم بصفي كاعد ويحش بهل جكاير

نترت بيه : تره خنكتناااا كافي ..

باوعلي بخزره وكال : صوتججج

درت وجهي للشباك وايدي على بطني : ريحه الجكاير كتلنا ...وانتي الثانيه شبيج بس تدفرين

: ريحانه ...

ما باوعتله

: احجي وياج

سكتت بس اتنفس سريع وصوت الزفير ينسمع

خلى ايده على رجلي : حبيبتي ..لا تتوترين كلها ساعه زمن ونخلص عيب انطيت كلمه

هزيت راسي بدون ما ادور اله هسه اني شجاني وكتله موافقه على هل لقاء الاكشر

لمحتها نزلت من تكسي واجت اتجاهنا كلبي يدك حيييل يدك بس مو حب لا والله كره وحقد لهل بشر شلون الها عين تحطها بعيني

تقربت من السياره شافتني ابتسمت درت وجهي لايهم خازرته غمض عيونه وهز راسه

: صباح الخير بنيتي يمه فدوه لهل وجه

ما رديت بس ايهم : صباح الخير خاله ..صعدي

: عذروني يمه تاخرت عليكم بس كوه كدرت اطلع

اسمع صوتها احس نار تطلع من اذني

صعدت وراي وخلت ايدها على كتفي : شلونج حبيبتي

كشت نفس وبعدت اعدل كعدتي بدون صوت

: وين تردون تكعدون ؟؟؟

: اي مكان يمه لا تدوخ روحك

: جان اجينا لبيتكم بس ادري بابو نوره

: لا يمه انا من البارحه عد بيت اخوي هنا ب**** كتلهم رايحه للسوك

باوعت لايهم يعض بشفته الجوه من التوتر هو يسوق وصلنا للمطعم

اجه الولد الي يستلم الطلبات

: تفضلو ريوك...شي بارد ...شي حار ..الي يعجبكم

باوع الها وكال : خاله ريوك

: لا يمه متريكه الحمد لله

: جا عصير