صباح الخير جميعا 💐 ورداتي
رجعت وياكم بلحلقه ال8 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
ولا زالت هنالك جروحاً تتالم لو مر عليها طيفك
فتباً لذاك الحب الذي اوجع لي فؤادي
🥀🥀🥀🥀🥀
دخلن يسلمن واني انصدمت بقت عيني على ايد فاتن تقربت سلمت وهيه مبتسمه
فاتن : هلو ريحانه شونج عيني
عيني على ايدها هزيت راسي : زينه
كعدت كدامي واني كعدت احس نفسي كوه اخذه بقن يسولفن وعيني تروح وتجي على ايد فاتن قدمت الها اسو العصير دنكت تاخذه وجان تنزل السلسله من ركبتها وصارت فوق القميص
شفتهن انكطع عندي النفس كمت طلعت بسرعه للحديقه الخلفيه اخذ نفس بسرعه جانت اكو بنهايه الحديقه تانكي يخلون بي مي يسكون الزرع منه رحت تقربت يمه ودموعي وكعت
يعني السيت الي اخذه كدامي الها
زين مو عافها وحبني الي ليش جاي احس بلغيره
مسحت دموعي واني انطيه تبرير
يمكن هيه مشتريه مثله لئن هو اصلا ميحجي وياها وثاني شي هو راح ثاني يوم للدوام يعني ملحك يشوفها ..
اكيد مو هو الي جابه الها ...
سمعت حركه ورايه مسحت عيوني ودرت وجهي جان اشوفه واكف صغر عيونه وهو يباوعلي باستغراب اشرلي :تعالي
درت وجهي منه ومشيت اريد افوت مسك ايدي من زندي وكال:اوكفي
وكفت بس بتوتر مشاعري ما اكدر اسيطر عليهن بقربه درت وجهي اله تقرب مني وهو يباوع داير مداير وكف كبالي ما بينا بس شبر او اقل وكال بكلام اشبه بلهمس بصوت حنين جدا : شبيج ريحانه ليش وياي هيج
باوعت بعيونه وكلت :شبيه
امجد: ما اعرف ما متعلم عليج هيج مو نفسج الي من تشوفني عيونها تركص فرح
بلعت ريك وكلت : يعني انته منتبه الي
امجد : اكيد ومتعلم عليج فرفوشه اليوم كوله ضايجه ومجاي تخلين عينج بعيني اله وهيه تسألني ..شبيج يا عيني
غمضت عيوني وفتحتهن بعيونه وكلت: امجد ممكن اسألك سؤأل
هز راسه بنعم
كلت : امجد الهدي...
وقاطع كلامي صوتتها وهيه تجي اتجاهنا ويه اسو ودره
:هلااااو
درت وجهي عنها وامجد باوع عليها
فاتن: هاي شنو انته هنا عبالي طالع
امجد :جنت نايم توني كعدت ما ادري بيكم جايين
فاتن وهيه عينها عليه: شنو لعد نايم هنا هههههه
باوعت عليها واحس نارررررر طلعت مني واني اشوفها شون تحجي وياه وتدلع
ريحانه : ليش اكو واحد ينام هنااا?
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
