مساء الخير جميعا 💐 ورداتي
رجعت وياكم بلحلقه ال7 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
امجد : خيرر شهل ضحك
سميه بضحك : عليك الله اسمع امي شتكول لريحانه
باوع لامي وكال: شنو بيبي
كالت : شسالفه سويتوها قضيه
كلت بضحكه : عليج الله يوم فدوووه
كالت: اندري كشبيو مدري شني
كلت : امجد ليش تجيبلي كشبيو مدري زرنيخ
ضحك واجه كعد يمي علجربايه وكال : بيبي عليج الله جايب هيج ..والله جبت كابتشينو
كالت : اندري شخبطينو مدري شنهي
كلت : لا انته جايب زرنيخ تريد تموتني
كال: والله يم جعفر تذبين فلك انتي
ضحكنه وره شويه طلعنا للزياره لليل حيل رجعنا
ثاني يوم من الصبح رحنا للمقبره رحنا زرنا بابا ابو جعفر جدي وزرنا بابا جعفر نهد حيلنا واحنه نبجي امي على زوجها ورفيج دربها وابنها الي راح بعمر الشباب وهو مشايف بعده شي وعمتو على ابوها واخوها سند بعد سند الها واني لابوي الي ما شفته ولا اتذكره ولابوي الي فقدته بعمر صغير نهد حيلنا وكوه امجد يسكت بهاي وبهاي تالي كال بنتر : يالله بسجن اقرن قران والفاتحه بدل هل نويح الي مراح يرجعهم بلعكس راح تاذوهم عليكم
كمنه نقره اني وعمتو وامجد وامي تنوح كمنه غسلنا اقبورهم بمي ورد وشعلنا شموع وبخور وتانيناهم يطفون وطلعنا زرنا الامير وودعناه وطلعنا لكربلاء بس تعبانين من البجي ودايخين ساعه ونص دخلنا كربلاء اول شي سويناه رحنا للفندق غسلنا ورتاحينا وتوضينا ونزلنا للامامين اللللللللللله جنه جنه
بين الحرمين منا شمس ومنا گمر وانته بنص الجنه اباوع بلوجوه كل الناس حلوه مدري من جمال المكان ما ادري كل الناس حلوه اتفقنا نلتقي بمكان اذا واحد تيه ورحنا زرنا الامام ابا الفضل الللللللللللللللله راحه نفسيه تحس بالامان بحضرته كل هم داخلك ينزاح هذا جان شعوري واني ابوس بلشباك وادعي واقراء الفاتحه
ما بدي اطلع نسيت امي وعمتي واني بين من ضحه بروحه وعينه وجفه للاخوه
بجيت واني اتذكر القصص الي اسمعها عن الامام ابا الفضل العباس عليه السلام بشجاعته وتضحيته وحبه للامام الحسين وللسيده زينب ولاهل البيت عليهم السلام
بجيت واني اتخيل منظره وهو يروح يقاتل من اجل الماء
بجيت واني اتخيل ضرباته وسهم عينه وقطع كفينه
بجيت واني اتقطع بمجرد سمعت بساعه استشهاده من خله راسه الامام الحسين بحضنه ورفض ويكوله منو بعد ساعه يخلي راسك بحضنه
دعيت وصليت ورحت لامي الي جانت تصب دموعها هم كملت صلاتها هيه وعمه وطلعنا لكينه امجد واكف يسولف بلتلفون مالته شافنه سده واجه كال :نزور الحسين ونصلي الظهر ونروح نتغده ونرتاح ونرجع العصر
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
