أسماني ابي ريحانه

32

صباح الخير جميعا 💐 ورداتي

رجعت وياكم بلحلقه ال32 من اسماني ابي ريحانه

بقلم اختكم أم شُبر ..🦋🦋🦋

نبتدي باسم الله 💕💕💕

ايهم : اي صدك ...صيري مثلي واجهت وشفت واسمعت واول ما طلعت مناك نسيت كلشي واجيت ..هسه الي اريده منج تكومين تدخلين جوه ..رفع ايده ومسح دموعي : وما اريد هاي العيون يبجن لئن يدمرني من اشوفهن مدمعات ومنا لمن تحسين نفسج قويه ومستعده للمواجها ذاك الوكت انطيها خبر

هزيت راسي وكمت وياه دخلت للبيت رغم الجو بارد وتوني سابحه بس ما حسيت بلبرد لئن احس جاي اتحمل اكثر من طاقتي الحمل متعب ومسببلي حساسيه زايده بلمشاعر ويخليني بسرعه اتنرفز واتحسس من اي كلمه ايهم ذيج الفتره كلها مشغول بسالفه عمامه وهم شاغلني وياه ودعاوي فاتن الي شغلتني هواي وخلتني اوهوس خفت منها ومن دعاويها عليه لئن محروك كلبها وسبب حركته هو امجد وتعلقه بيه يعني انا السبب بنظرها هيه ٠
حملتني ذنب تفكك علاقتها بامجد ومرضه هم بلنسبه الها اني سببه رغم مثل مسمعت مرض امجد قديم بس هسه بعد ما انتشر بكل مكان بجسمه وماله اي حل انتكست حالته وضل عايش على المغذي وبس ايديه وراسه يكدر يحركهم يعني من زمان حيل وهو مريض بس مجان يدري بيه هيج

اتذكر من جان يشكي من راسه ومن تعب جسمه يروح للدكاتره وكل واحد منهم ينطيه مرض شكل لحد ما مل وما عاد يروح للدكتور

عقل تعب حيل من التفكير ..امجد ..فاتن ...عمه اميمه ..ايهم ...الحمل المتعب ...والي اسمها امي وصحوه ضميرها فجاه وتذكرت بتها الي راح تصير ام وهيه متعرفها
كل هل شي خلاني اخذ وضع السكوت وما اسوي شي لئن بعد مالي طاقه لاي شي

.......

بعد ما سمعت بشرى كلبي عصرني عصر كلت بشهكه
: يعني لؤي هو الي شافها منهاره وتحجي ويه طلال

بشرى : اي بس بوكتها هيه ضربت التلفون بلكاع وتكسر لزمها كسرها تكسر وخلاها بغرفتها وكال الي يوصل يمها اكسره وياها ضلت فتره طويله وحدها ممنوعه من الكعده ويانا وماكو طلعه للهول بس بغرفتها

اسو باستغراب : يعني شنو جان كاعد بلبيت من يطلع اخليها تطلع يمكم

بشرى : شوف هاي هو غير يطلع شويه ويجفت علينا خاف واحد يفكر يطلعها

اسو : اي وتالي

بشرى : جايتج بلحجي ...تقريبا شهر على هل حال ضلت ومن اجه احمد وسأل عليها كال لؤي تزمخ على الاكبر منها وعاقبتها ..احمد غير عن لؤي بارد الاعصاب ومو متهور ياخذ الامور بعقل يفكر قبل لا يقرر ..صاحلها بلغرفه وجنت يمهم اجت مدنكه راسها حاجها احمد وطلب منها تحجي شبيها وليش هيج سوه بيها لؤي باوعتلي وكل ظنها انا مسولفه لاحمد عن طلال ضلت تفرك بديها وقلقانه احمد كلها انتي كبرتي ولازم تحترمين الاكبر منج الغلط منج انتي مو من احد غيرج كالت وهي تبجي مو قصدي والله بس انا ضجت لئن جذ..قاطعتها وكلت وانا اخزرها : يالله مصار شي كلشي راح بوكته
باوعتلي هزيت راسي وعضيت شفتي الها عود لا تحجين
طلعت من الغرفه وطلعت وراها اول مشافتني تهجمت عليه تغلط بصوت ناصي وتحجي كتلها لو انا الي فتنت عليج ما منعتج تجفصين كدام احمد ورجعت لغرفتها وسدت الباب كم مره مره احمد يروح ويكلها تعالي اكعدي يمنا تكله ميخليني اطلع
احمد لزم لؤي ورزله وكله مخلي بيها خوفه وهيه بنيه شابه وضاربها المغرب مكسرها
احمد اخذ لؤي وصعدو لغرفتها مهما يكون اختهم ويحبوها رحت وراهم واشوفها خاتله باحمد ومتغيره مو مثل ما جانت لؤي واكف ويعتذر منها وهيه ماكو تباوع على الحايط وتكول ما يقبل اطلع