صباح الخير جميعا 💐 ورداتي
رجعت وياكم بلحلقه ال6 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
مرات نرسم طريق بخيالنا بس نمشي بي بلحقيقه
ونشوفه مو النا بس نظل نمشي بي ....
والطريق الخاص بينا ومكتوب النا نتركه خلفنا ....
ومرات نظلم بدون قصد ومرات ننظلم ...
ومرات نكسر گلوب جانت تشوفنه سعادتها ....
ومرات گلوبنا تنكسر ...
ومرات نبجي ظلم ...
ومرات مظلومين ...
ومرات نتختل جوه وجوه مستعاره علمود نوصل للي نريده ...
ومرات ننصدم من نشوف ناس الهم وجه ثاني بعد ما اتعودنه على ذاك الوجه ...
ومرات وجع ...ومرات قهر ...ومرات سعاده ...ووووووووووو كومه مرات بس بلتالي شنو الي نستفاد منه ....
وراح نتغير لو نبقه....
------------------
وكت الغده وكلنا بسفره وحده
ناس كاعده كبال ناس وامجد صاير مقابيل ماما الي صايره بجهه اليمنه مني ويمها صايره فاتن واسلام صاير مقابيلي ناكل والتحشيش مشتغل عمتو وماما والولد وكلسه واحد غاص من الضحك اله وعيوني متركزه على امجد الي ابد ما عبر فاتن وجان يسولف ويضحك ويايه عادي
واسلام الي نظراته احسها تتفحصني وادنك نظراتي وترجع تنرفع بوجه امجد لا اراديه وابتسم ويه ابتسامته وعيني تروح لفاتن الي احس بيها متوتره حيل شويه عافت الاكل وكامت
اميمه : فتونه يمه وين كايمه ...؟؟؟
فاتن بضوجه: لا عمه شبعت الحمد لله سفره دايمه
اميمه : بعدج يوم توج كعدتي
فاتن : تسلمين عمه اروح اسوي جاي
طلعت فاتن واباوع نظرات امجد وراها نفخ بضوجه
وعاف الاكل وكال : الحمد لله تسلم اديكم يمه
اميمه : بلعافيه كلبي ..هم ما اكلت
امجد : يمه تعبان اشرب جاي ونام
كام وراح يغسل ضل كلبي يلوب اخاف يحجي وياها ولو اليوم ممنطيها عين بس هم بقيت بقلق شويه وجان اكوم رحت للمغسله اغسل شفته نشف وراح اتجه للمطبخ رجليه اخذتني لا اراديا لباب المطبخ واشوف فاتن واكفه يم الطباخ مدنكه وامجد دخل هسه حسيت بيها مسحت دموعها تقرب للكاونتر واخذ كلاص بدون ميحجي وخله شكر هيه دارت وجها عليه وضلت صافنه واشوف وجها احمر وخشمها احمر صفن بوجها وبعدين اخذ القوري وصب بلكلاص جاي وراد
يطلع جان تكوله: امجد مكافي عاددد
دنك للكلاص يخوطه بهدوء
وكفت كدامه وكالت : امجد ....
باوع بوجها ووخر منها شمر الخاشوكه بلسنك ووراد يطلع سحبت روحي للدرج اخاف يشوفوني بس سمعته
كال الها : شفتني الاهمال شون ياذي
وخله وطلع هم زين ما التفت علدرج جان شافني اخذت نفس ودخلت للمطبخ وجان اشوفها كاعده علميز ومخليه اديها على وجها وتبجي اتقربت منها هيه حست بوجود احد يمها رفعت راسها شافتني وعقجت وجهه
كلت : فاتن شبيج ليش تبجين
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
